Soltüstık Казахстан
Қазақстан Республикасының Тәуелсіздігі күніне орай солтүстікқазақстандық полицейлер салтанатты кездесу өткізді. Бұл шараға облыстық ІІД басшылығы және жеке құрам, сонымен қатар ішкі істер органдарының ардагерлері қатысты.
Жан АЙТМАҒАНБЕТОВ,
СҚО ІІД баспасөз қызметінің инспекторы.
Жиын дәстүрлі түрде Мемлекеттік Ту көтеру және Қазақстан Республикасының Гимнін шырқаудан басталды. Алдымен ІІД бастығының орынбасары, полиция полковнигі Виктор Букреев жеке құрам мен полиция ардагерлерін құттықтап, жиылғандарға мықты денсаулық және жедел-қызмет көрсету кәсібінде сәттілік тіледі. Содан соң көзге түскен тәртіп сақшылары мен ардагерлер ІІМ, облыс әкімінің, ІІБ және Ішкі әскердің Ардагерлер кеңесінің бұйрықтарымен марапатталды. 11 жас қызметкерге ІІД бастығы, полиция полковнигі Ақан Қажкенов орташа басшылық құрамның арнайы шендерін табыстады.
Жас офицерлердің ата-аналары департамент басшылығына жас қызметкерлерге артқан сенімдері үшін алғысын білдірді. ІІД Ардагерлер кеңесінің төрағасы Сұраған Көпеев және офицерлік жиын төрағасы, жедел-криминалистік басқарма бастығы, полиция полковнигі Ақан Сыздықов құттықтаумен қатар, ақыл-кеңестерін айтты.
Ал мерекелік жиынды түйіндеген Ақан Қажкенов офицерлерге азаматтардың құқықтық қорғалуын жоғары деңгейде қамтамасыз ету, жемқорлыққа және қызметтік тәртіптің бұзылуына жол бермеуге күш салу қажеттігін тағы бір ескертті.
Тәртіп сақшыларының салтанатты кездесуі ІІД вокалдық тобы және Петропавл қаласының шығармашылық ұжымдары әзірлеген мерекелік концертпен аяқталды.