Soltüstık Казахстан
Дамелі ВАЛЕЕВА,
жалпы білім беретін №1 лицейдің қазақ тілі мұғалімі.
Ел Тәуелсіздігіне арналған шаралар жер-жерлерде ұйымдастырылып, мазмұнды өткізілуде. Солардың бірін мен де өзім жұмыс істейтін лицейде 4-сынып оқушыларының қатысуымен өткіздім.
“Тәуелсіздік туы аясында” тақырыбында өткен сыныптан тыс сабаққа оқушылар белсене қатысты. Әсіресе, София Шабдарова, Илья Могильный, Санжар Сайдалы алдын ала жаттаған тақпақтарын нақышына келтіріп оқып, құлақтың құрышын қандырар әндер орындады. Настя Суслова, Сабина Әлімжанова түрлі сайыстарға белсене атсалысып, көзге түсті. Оқушылар Қазақстан тарихы, тілі мен әдебиетіне қатысты сұрақтар қойылған викторинаға қызыға қатысып, білім деңгейлерінің жоғары екендігін таныта білді. Қазақстанның болашағы жас өрендердің қолында десек, олар терең ойлы, білімді, өнерлі, елін сүйген азаматтар болып өсіп келе жатқандарын таныта білгендігі көңілге қуаныш ұялатты.
Петропавл қаласы.