Soltüstık Казахстан
СҚО бойынша Кедендік бақылау департаментінің қызметкерлері қамқорлықтарына алған облыстық жетім және ата-ананың қамқорлығынсыз қалған балаларға арналған мектеп-интернаттағы №1 отбасыда болып, балаларға компьютерлік техника мен тәттілер сыйлады.
Сый-сияпатқа алғыс білдірген балалар кеденшілерді кәсіби мейрамдарымен құттықтап, оларға өздері әзірлеген мерекелік концертті тарту етті. Өлең айтып, би билеген оқушылардың өнеріне тәнті болған қонақтарға мектеп-интернаттың тәрбиеленушісі Нина Кравцованың өзі шығарған өлеңдерін мәнерлеп оқып, ән шырқағаны ерекше әсер етті.
Қуаныш пен жақсы көңіл күй балалар мен ересектерді бір-біріне жақындата түсті. Кеденшілер жақында тағы да келуге уәде берді.
СҚО бойынша Кедендік бақылау департаментінің баспасөз қызметі.