Soltüstık Казахстан
Облыстық ІІД кадрлар жұмысы басқармасының қызметкерлері М. Қозыбаев атындағы Солтүстік Қазақстан мемлекеттік университеті және ҚР ІІМ Ішкі әскерінің 6637 әскери бөлімшесінде кәсіби бағдарлау жұмыстарын өткізді.
Ерлан МАХМЕТОВ,
СҚО ІІД баспасөз қызметінің инспекторы.
Барлық кездесулердің көздегені әскери қызметке шақыру болып табылады. ІІД Кадрлық басқармасының қызметкерлері, оқу орындарының түлектері және мндетті әскери қызметтегі сарбаздармен кездесулер ұйымдастырып, оларға полиция қызметінің негізгі ұғымдары туралы әңгімелеп, жұмысқа орналасу тәртібі туралы мағлұмат берді.
СҚМУ заң факультетінің 4-курс студенттері қазіргі полицейлердің жұмыс кестесі, аттестаттаудан өту тәртібі, еңбекақы мөлшері, үстеме ақыларға қатысты сұрақтар қойды. Студенттердің көкейіндегі бұл сұрақтарға ІІД Кадрлық жұмыс басқармасы бастығының орынбасары Аян Әшімов жауап берді.
Бұған қоса, Петропавл қаласы ІІБ Кадрлық жұмыс бөлімінің инспекторлары ҚР ІІМ Ішкі әскері 6637 әскери бөлімшесінің міндетті әскери қызметтегі сарбаздарымен кездесті. Болашақта патрульдік бөлімшелердің қатарын толықтыруға мүмкіндіктері жоғары болғандықтан, сарбаздарға ерекше көңіл бөлінді. Оларға ішкі істер органдарына қызметке қабылдау туралы ереже жайлы айтылды.
Тәртіп сақшылары ішкі істер органдарына қызметке орналасуға ниет білдірушілерге Петропавл қаласы, Алматы көшесі, 55 немесе мекенжайы бойынша полиция бөліміне хабарласу қажеттігін ескертеді. Сонымен қатар, қызметке қабылдау туралы толық ақпарат облыстық Ішкі істер департаментінің ресми сайтында “Кадрлық жұмыс басқармасы” бөліміне енгізілген.