Soltüstık Казахстан
Қолайсыз табиғат құбылыстарынан туындайтын төтенше жағдайлар облыстың автожолдарының жүргізушілері үшін қиындық тудырып отыр. 14-17 желтоқсан аралығында қалың қар басқан 2 жағдай орын алды. Аққайың, Айыртау аудандарының автожолдарында 1 автобус және 2 микроавтобустың 3 жүргізушісі мен 6 жолаушысы қар құрсауында қалды. Жапа шеккендер жоқ. Аудан әкімдіктерінің күшімен қар бөгеті жойылып, көліктер кейін қайтты.
Алыс жолға шығар алдында өзіңізбен бірге толық қуатталған ұялы телефоныңызды алуды ұмытпағаныңыз жөн. Алдын ала ескерілмеген жағдай орын алса, “112” телефонына хабарласып, көмек шақырта аласыз. Метеорологиялық мәліметті қарап, боран, аяз болатын күндері мүмкіндігінше елді мекеннің аумағынан шықпаған дұрыс. Қырағылық пен сақтық таныту қауіпсіздіктің басты кепілі екенін ұмытпағаныңыз абзал.
СҚО ТЖДнің баспасөз қызметі.