Soltüstık Казахстан
Спорттың әр саласында жыл сайын үздіктердің ішінен ең озығы таңдалатыны дәстүрге ежелден енген. Биыл да Қазақстанның Жеңіл атлетика федерациясы осы сала бойынша қорытындыларды шығарды.
Зейнолла ӘКІМЖАНОВ,
“Солтүстік Қазақстан”.
Бұл ретте аяқталып отырған 2013 жылда Мәскеудегі әлем және Үндістанның Пуна қаласында өткен Азия чемпионаттарында, Қазандағы Бүкілдүниежүзілік жазғы универсиадада, басқа да халықаралық жарыстарда Қазақстан жеңілатлетшілерінің жетістіктері басшылыққа алынды.
Федерация мамандары Татарстан астанасында студенттердің Бүкілдүниежүзілік ойындарында 800 метрге жүгіруде жеңіске жеткен жерлесіміз Маргарита Мукашеваға ең көп ұпай берді. Сөйтіп ол жеңілатлетшілердің арасында 2013 жылдың ең үздік спортшысы болып танылды.