Soltüstık Казахстан
Италияның Трентино провинциясында XXVI Қысқы Универсиада аяқталды. Сайыс қорытындысы бойынша Ресейдің қоржынында 50 медаль (15 алтын, 16 күміс және 19 қола). Ал екінші орын – польшалық спортшыларда – 23 (10 алтын, 10 күміс, 3 қола), үшінші орында Оңтүстік Корея – 24 (8 алтын, 9 күміс, 7 қола).
Қазақстандық студенттер 30 құрама команданың ішінен 15-ші орынға табан тіреді. Жерлестердің қоржынында 5 медаль (2, 2, 1).
Универсиадада Қазақстан құрамасының қоржынына шаңғы жарысында бағын сынаған Татьяна Осипова мен ерлер эстафеталық квартеті алтын салды. Марк Старостин мен хоккейден ерлер құрамасы күміс медаль жеңіп алды. Ал шаңғыдан әйелдер эстафеталық триосы – Ольга Мандрыка, Марина Матросова және Татьяна Осипова қола жүлдеге қол жеткізді.
“ҚазАқпарат”.