Soltüstık Казахстан
“Қарасай” жоғары спорттық шеберлік мектебінде өткен салтанатты шара барысында өңірдің бір топ спортшылары марапатқа ие болды.
Спортшыларды мектеп директоры Марат Шәріпов пен облыстың спорттық бағдарлаудан бас жаттықтырушысы Юрий Чуприков құттықтап, жаңа жеңіс тіледі.
Шараның ресми бөлігінде халықаралық дәрежедегі спорт шебері атағы Виктория Фроловаға (армрестлинг), Иван Аржаников пен Артур Сергиенкоға (коньки), Юрий Науманға (ауыр атлетика) табысталса, ал Дарья Налобинаға (спорттық бағдарлау), Павел Члек (пауэрлифтинг) және ауыратлетшілер Роман Покровскийге, Сергей Новиковқа, Ринат Ахматаковқа, Мария Тимошинаға спорт шебері куәлігі табыс етілді.
Сондай-ақ 2013 жылы сайыстарда жеңістің биік сатысынан көріне білген 11 спортшы ақшалай сыйлықпен марапатталды.
Облыстық Дене шынықтыру және спорт басқармасының баспасөз қызметі.