Soltüstık Казахстан
Қазақстан құрамасының үздік спортшысы, жерлесіміз Дмитрий Бабенко Жапонияның Томакомай қаласында өткен Азия чемпионатына қатысты.
Ванкуверде өткен Олимпиада ойындарында 5000 метр қашықтықта Дмитрий Бабенко он алтыншы орынды иеленген еді. Еліміздің жетекші конькишісі Жапония, Қытай және Корея елдерінің тоғыз спортшысымен алтын медаль үшін таласты. Ауа райының қолайсыздығына қарамастан, Дмитрий 1500, 5 000 және 10 000 метр қашықтықтарда жеңістің бірінші сатысына көтерілді.
Сондай-ақ Азия біріншілігінде үш алтынды олжалаған Дмитрий Бабенко наурыз айында Голландияның Херенвен қаласында өтетін классикалық көпсайыстан әлем чемпионатына аймақтық іріктеуде бірінші орынды иеленді.
Айта кетейік, Жапониядағы турнирде үздік нәтижеге қол жеткізген Бабенко Сочи қаласындағы Олимпиадада да осындай үш қашықтықта бағын сынайды. Естеріңізге сала кетейік, Сочи қаласындағы Олимпиада ойындары 7 және 23 ақпан аралығында өтеді. Конькишілер арасында 12 медаль жиынтығы сарапқа салынады.
Облыстық Дене шынықтыру және спорт басқармасының баспасөз қызметі.