Soltüstık Казахстан
Ақпараттық ресурстарға деген қызығушылық күн сайын арта түсуде. Статистика департаментінің Интернет-ресурсына жыл басынан бері 30559 респондент шолу жасады.
Статистикалық есептілік нысандарын уақытында және сапалы тапсыру үшін респонденттерге Қазақстан Республикасы Статистика агенттігінің, Солтүстік Қазақстан облысы Статистика департаментінің Интернет-ресурстарына үнемі шолу жасап отыруды және тұрақты түрде жаңартылып отырылатын ақпаратты қолдануды ұсынамыз.
Солтүстік Қазақстан облысы Статистика департаментінің www.soltustik.stat.kz Интернет-ресурсында “Респонденттерге” бөлімінде барлық қажетті анықтамалық ақпарат орналастырылған: статистикалық есептілікті тапсыру тәртібі, үнемі жұмыс істеп тұратын семинарлар жоспары, іріктеме зерттеуге жататын кәсіпорындар каталогтары, статистикалық нысандарды толтыру бойынша консультация беретін қызметтердің байланыс телефондары, респонденттер үшін хабарландырулар.
Қазақстан Республикасы Статистика агенттігінің www.stat.kz Интернет-ресурсында “Респонденттер үшін” бөлімінде электронды статистикалық есептілікті on-line режимінде тапсыру бойынша ақпарат, статистикалық нысандар тізбесі, респонденттермен алғашқы статистикалық деректерді тапсыру кестесі, статистикалық нысандарды толтыруға арналған сыныптауыштар, сонымен қатар, статистикалық есептіліктің барлық нысандарының электрондық нұсқаларын көшіріп алу мүмкіндігі іске асырылған.
Облыстық Статистика департаменті.