Soltüstık Казахстан
Бауыржан МАЛҒАЖДАРОВ,
Серік ЖОЛЫМБЕТОВ,
ЕС-164/3 түзету мекемесіндегі
Петропавл кәсіптік колледжінің оқытушылары.
ЕС-164/3 мекемесіндегі Петропавл кәсіптік колледжінде ең үздік қабырға газетінің байқауы өтті.
Түзету мекемесінде жазасын өтеп жатқан сотталғандар арасында адамгершілік-эстетикалық тәрбие беру үдерісін жетілдіру, саламатты өмір салтын қалыптастыру, сотталғандардың шығармашылығын дамыту, сондай-ақ жаңа жылдың мерекесін атап өту мақсатында КВН ойындары мен спорттық іс-шаралар ұйымдастырылып, қабырға газеттерінің байқауы өткізілді. Байқауға 5 топ қатысты. Оның қорытындысы бойынша “Ағаш ұсталары” тобының қабырға газеті ең мазмұнды деп танылып, олар бірінші орынды иеленді. Екінші орын “электр дәнекерлеушілерге”, ал үшінші орын “сылақшыларға” бұйырды. Жеңімпаздарға мадақтамалар табыс етіліп, іс-шараға белсенді атсалысқан сотталушыларға алғыс жарияланды.
Іс-шара соңында салтанатты жиын өтіп, колледж ұстаздары сотталғандарға жазасын өтеп шыққан соң саламатты өмір салтын ұстанып, заң аясында адал да әділ еңбек етулерін тіледі.