Soltüstık Казахстан
СҚО ІІД Криминалдық полиция басқармасының іздеу бөлімінің қызметкерлері 2013 жылдың қорытындысы бойынша іздеуге жарияланған 340 адамды бір тәулік ішінде тапқан.
Із-түзсіз жоғалған адамдардың мекенжайын анықтаумен Криминалдық полиция басқармасының ізкесу тобы айналысады. Тәжірибе көрсетіп отырғандай, іздеуге жарияланғандардың тізімін көбіне ер адамдар құрайды. Өткен жылы бұл көрсеткіш 200-ге жеткен. Хабарсыз кеткен азаматтардың негізгі бөлігін маскүнем, қаңғыбас адамдар, сондай-ақ ата-анасының қарауынсыз қалған, аз қамтылған отбасылардың балалары және Айыртау ауыл шаруашылығы колледжінің оқушылары құрайды. Сонымен қатар үйлеріне қайтып оралмайтындардың тізімінде егде жастағы адамдар, психикалық ауруға шалдыққандар, қылмыс құрбандары, малшылар, аңшылар мен балықшылар да бар.
“Былтыр азаматтардың хабарсыз кету фактілері бойынша бізге 509 арыз келіп түскен болатын. Солардың 340-ы бойынша жоғалғандар бір тәулік ішінде табылды, қалған 169-ы іздестірілу үстінде”, – дейді Криминалдық полиция басқармасы ізкесу бөлімінің жедел уәкілі Ерлан Қойшин.