Soltüstık Казахстан
Петропавлда шаңғы жарысынан облыстық біріншілік өтті. Оған Мамлют, Айыртау, Тайынша, Қызылжар, Жамбыл, Тимирязев, Ақжар, Мағжан Жұмабаев, Шал ақын аудандары мен Петропавл қаласының 40-тан астам шаңғышысы қатысты.
Сайыс қорытындысы бойынша біріншіліктің алғашқы күні 1996 жылы және одан бері туған спортшы қыздардың арасында 5 шақырым қашықтықта еркін жарыста Виктория Козлова (М.Жұмабаев ауд.) үздік атанса, 1996-1998 жылдары туған ұлдар арасында 10 шақырым қашықтықта Рустам Набиулин (Мамлют ауд.), осы қашықтықта 1993-1995 жылдары туған қыздардың арасында Марина Вострикова (Петропавл қ.) көш бастады. Ал 1994-1995 ж.т. ұлдар арасында 15 шақырымда Антон Жданович (Петропавл қ.) бірінші орын алса, аталмыш қашықтықта 1993 және одан бері туған спортшы ұл балалар арасында Андрей Крайс (Жамбыл ауд.) жеңімпаз атанды.
Екінші жарыс күні 1996 ж.т. қыздар арасында классикалық 3 шақырым қашықтықта мәре сызығын Виктория Козлова (М.Жұмабаев ауд.) бірінші болып кесті. 1996-1998 ж.т. ұлдар арасында 5 шақырымдық классикалық жарыста Рустам Набиулин (Мамлют ауд.) жеңсе, 1993-1995 ж.т. қыздар арасындағы жекпе-жекте Марина Вострикова (Петропавл қ.) жеңді. 1994-1995 ж.т. туған жігіттер арасында 10 шақырымдық классикалық жарыста Антон Жданович (Петропавл қ.) ешкімге дес бермесе, 1993 және одан бері туған ұлдар арасында осы қашықтықта Андрей Крайс (Жамбыл ауд.) үздік атанды.
Облыстық Дене шынықтыру және спорт басқармасының баспасөз қызметі.