Soltüstık Казахстан
Ләззат ҚҰРМАНҒОЖИНА,
СҚО ТЖД “ӨС және АҚЖҚ” ММ ПҚБ бастығы.
Облыстық ТЖД “ӨС және АҚЖҚ” ММ Психологиялық қызметі Петропавл қаласындағы қазақ мектеп-гимназиясының 5-сынып оқушыларымен On-linе режімінде интерактивті сабақ өткізді. Бұл сабаққа облыстың 44 жалпы білім беретін мектебі, бір мыңнан астам оқушы қатысты.
Сабақты психолог төтенше жағдайларға және апаттарға қарсы әрекет жасау кезінде адамның тәртібін талқылаудан бастады.
Келесі кезеңде психологиялық тренинг пайдаланылды. Тренингтің мақсаты – қатты ширыққан халде қажуды, шиеленісті шешу.
Сабақтың соңында шиеленісті шешу жаттығулары көрсетілді, оларға балалар белсене қатысты.
Іс-шарадан облыстық ТЖД “Судан құтқару қызметі” ММ қызметкерлері де шет қалған жоқ. Сүңгуір-құтқарушы Мырзабек Құлқашев оқушыларға қыста су қоймаларында қауіпсіздікті сақтау, мұздың астына құлап кеткен жағдайда қандай іс-әрекет жасау керектігі туралы да әңгімелеп берді.