Soltüstık Казахстан
Болат САҒЫНДЫҚОВ,
Солтүстік Қазақстан
облысының Құрметті азаматы.
Қазақстан – әлемге әйгілі ел,
Жарыста оза шыққан бәйгелі ел!
Бәсеке мен байлығы берік тұрған
Жұлдызы жарқыраған Мәңгілік ел!
Көркейіп жылдан-жылға қазақ жері,
Халқымның бағы жанған азат елі.
Жүздеген жыл бодандық басып, езіп,
Жер бетінен жоғалу аз-ақ еді.
Егемендік көтерді ел еңсесін,
Жиырма жыл өтті, міне, жиғалы есін.
Көк туым, Әнұраным, Елтаңбамды
Дербес еттік. Шығардық ел теңгесін.
Өрге басып даламда оң ісіміз,
Бар әлемге танылды зор күшіміз.
Талай ғасыр бабалар армандаған
Тәуелсіздік – бүгінгі болмысымыз.
Мәңгілік ел, мәңгілік тілім болмақ,
Мәңгілікке лайық білім болмақ.
Ең дамыған елдерге жетелейтін,
Дәрежесі жоғары ғылым болмақ.
Жаңғыртайық байырғы салтымызды,
Ұлықтайық ұлтымды, халқымызды!
Нығайтайық достық пен ел бірлігін,
Бар әлемге паш етіп даңқымызды!