Soltüstık Казахстан
Ресейдің Новосібір қаласында акробаттық жолақ пен батутта секіруден бүкілресейлік аймақтық жарыс өтті. Оған Ресейден – 12, ал Қазақстаннан бір құрама команда, жалпы 130 спортшы қатысты.
Аталмыш сайыста өңір намысын үш гимнасшы қорғаған болатын. Нәтижесінде акробатикалық жолақта секіруде Александр Шашков – екінші, ал Виталий Дель үшінші болды.
Спортшыларды додаға Андрей Ямпольский мен Ринат Белоногов бастаған жаттықтырушылар тобы дайындады.
* * *
Өткен аптада жыл сайынғы “Солтүстік” қысқы спорттық мерекесі аясында футзалдан аймақтық сайыстар өтті. Аталмыш додаға Жамбыл ауданынан басқа барлық аудандардың құрама командалары қатысты.
Есіл, Тайынша және Ғ. Мүсірепов атындағы аудандарда ұйымдастырылған жарыстарда кілең алаң иелері жеңіске жетті. Енді жеңімпаз атанғандар медальдар үшін тек осы ақтық кезеңдерде таласқа түсетін “Солтүстік” сайысының ұйымдастырушылары – Жамбыл ауданының құрама командасымен кездесіп, бақ сынамақ.
“Солтүстік” қысқы спорттық мерекесінің ақтық ойындары ақпанның 27-сі мен наурыздың 3-і аралығында Жамбыл ауданында өтеді.
Облыстық Дене шынықтыру және спорт басқармасының баспасөз қызметі.