ҚАЗАҚ СЫНЫБЫ АШЫЛДЫ

Айнаш РАМАЗАНОВА,
Украин орта мектебі қазақ тілі пәнінің мұғалімі.

Украин орта мектебінде биылғы жылы мектеп директоры Шынар Даниярованың бастамашылығымен қазақ тілінде оқытылатын бірінші сынып ашылды.
Бұл сыныптың жетекшісі – ұлағатты ұстаз Сәуле Сұлтанова. Сәуле Алпыспайқызының еңбегін оқушыларының жетістігінен көруге болады. Мектебімізде бірінші сынып оқушыларының Әліппемен қоштасуы өте тартымды өтті. Осы сыныппен қосылып оқитын үшінші, екінші сынып оқушылары жұмыла отырып, көңілді де қызықты кеш ұйымдастырды. Балалар әнші де, биші де өздері болып, Әліппеден үйренген білімдерін ортаға салды.
Жамбыл ауданы.