Soltüstık Казахстан
Колледж және лицей оқушыларының 61,5%-ы мемлекеттік тапсырыс бойынша білім алады.
2013-2014 оқу жылының басында облыста орташа кәсіби білімді мамандар даярлаумен – 28 колледж, ал кәсіби бастауыш білім берумен 1 кәсіптік лицей айналысты.
Оқушылардың жалпы саны – 15 мың адам, соның ішінде 7 мың адам немесе 46,9%-ы – әйелдер. Былтырғы оқу жылымен салыстырғанда оқушылардың саны 6,8%-ға азайды.
Оқушылардың жалпы санының 56,3%-ы – негізгі орта білім, 43,4%-ы – жалпы орта білім, 0,3%-ы кәсіптік лицей негізінде оқиды.
Оқушылардың 83,1%-ы күндізгі оқу нысанында білім алады.
Оқушылар санының 61,5%-ын құрайтын, яғни 9,2 мың адам – мемлекеттік тапсырыс бойынша оқитындар, 5,8 мың адам немесе 38,5% – ақылы түрде оқитын оқушылар.
Барлық оқушылардың 11,2%-ы (1684 адам) мемлекеттік тілде білім алады.
Оқушылар санының этникалық құрамы бойынша қазақтар – 38,0%, орыстар – 48,2%, немістер – 3,9%, татарлар – 1,8%-ды құрайды.
Облыстағы техникалық және кәсіптік білім беретін ұйымдарда 1193 оқытушы және 206 өндірістік оқыту шебері жұмыспен қамтылған, әйелдердің үлес салмағы тиісінше 67,3% және 38,8%-ды құрайды. 290 оқытушы мен 13 өндірістік оқыту шеберінің жоғары санаты бар, бұл олардың жалпы санының сәйкесінше 24,3%-ын және 6,3%-ын құрайды. Оқытушылардың 96,6%-да және өндірістік оқыту шеберлерінің 31,6%-да жоғары білімі бар.
Облыстық Статистика департаменті.