Soltüstık Казахстан
Жуырда Петропавл қаласының Дене шынықтыру және спорт бөлімі ХІІ қалалық “Денсаулық” спартакиадасының қорытындысын шығарды. Солтүстік Қазақстанның энергетиктері бірінші орынды жеңіп алды және жалпыкомандалық есепте Петропавл қаласының өзге өндірістік кәсіпорындарын шаң қаптырып, чемпиондық кубокқа және дипломға қол жеткізді.
Тұтастай жыл ішінде “СевКазЭнерго” тобы кәсіпорындарының спортшылары осы табысқа ұмтылыс танытты. Нәтижесінің өзі-ақ айтып тұрғандай, энергетиктердің бұл құлшынысы зая кеткен жоқ! “ПАМЖ зауыты” АҚ (2-орын), “ПАШЗ” АҚ (3-орын), “Қызылжар су” АҚ (4-орын), Оңтүстік-Орал темір жолының Петропавл бөлімшесі (5-орын) және “ЗИКСТО” АҚ (6-орын) сияқты азулы қарсыластарын артқа тастады.
2012 жылдың қорытындысы бойынша “СевКазЭнерго” АҚ-ы спорт әуесқойларының тек төртінші орынды қанағат тұтқанын атап өткен жөн. Энергетиктердің барынша күш сала отырып, бұрнағы жылдың әлсіздіктерінен қорытынды шығарып, жарыста біріншіліктің кестесін бастағаны байқалды. Оған дәлел – олардың шаңғы жарысы, жүзу, шахмат, жеңіл атлетика, спорттық бағдарлау және боулинг сияқты жарыс түрлерінен сөзсіз көшбасшылыққа ие болғаны. Сонымен бірге, энергетиктер қысқы балық аулау (2-орын), баскетбол (3-орын) және волейбол (3-орын) жарыстары бойынша жүлделі орындарды еншіледі.
“СевКазЭнерго” АҚ-ның жұртшылықпен байланыс жөніндегі бөлімі.