Soltüstık Казахстан
Облыс орталығында “Жеңіс” олимпиадалық резервтегі балалар мен жасөспірімдер спорт мектебінде БЖСМ тәрбиеленушілері арасында грек-рим күресінен облыс біріншілігі өтті. Турнирге Аққайың, Жамбыл, Ақжар, Мамлют, Есіл, Шал ақын және М.Жұмабаев аудандарының 2000-2001 жылы туған 87 спортшысы қатысты.
Сайыс қорытындысы бойынша “Жеңіс” олимпиадалық резервтегі балалар мен жасөспірімдер спорт мектебінің балуандары топ жарып, жалпыкомандалық есепте жеңістің бірінші сатысына көтерілді. Ал “Күрес” БЖСМ мен Ақжар ауданының БЖСМ құрамалары екінші және үшінші орындарға тұрақтады.
Жеке салмақ бойынша өз салмақ дәрежелерінде Хамит Нәбиев (26 кг., “Күрес” БЖСМ), Роман Эйсфельд (29 кг., “Жеңiс” МОРБЖМ), Рахат Амангелдин (38 кг., Мамлютка қ.), Давид Звягинцев (35 кг., “Жеңiс” МОРБЖМ), Диас Балапан (38 кг., Есіл ауд.), Павел Кольмягин (42 кг., Шал ақын ауд.), Мадияр Пазылов (47 кг., Күрес БЖСМ), Денис Пилипенко (53 кг., “Жеңiс” МОРБЖМ), Вадим Новицкий (59 кг., “Жеңiс” МОРБЖМ), Рүстем Сайладов (66 кг., Есіл ауд.), Никита Косенков (73 кг., “Жеңiс” МОРБЖМ) жеңімпаздар атанды.
Жүзден жүйрік атанғандар медальдармен және дипломдармен марапатталды.
Облыстық Дене шынықтыру және спорт басқармасының баспасөз қызметі.