Soltüstık Казахстан
Әлия ТАШЕНОВА,
Солтүстік Қазақстан кәсіптік-педагогикалық колледжінің Жастар істері бойынша комитетінің төрайымы.
Астана қаласында осымен 10-рет республикалық “Маусымашар – 2014” фестивалі өтті. Оған еліміздің түкпір-түкпірінен келген жүздеген командалармен қатар, Солтүстік Қазақстан кәсіптік-педагогикалық колледжінің “Оян, қазақ!” командасы да қатысты.
5 күнге созылған алғашқы редакторлық жұмыстар қызықты өтті. Таңнан кешке дейін Жастар сарайының іші таланттарға толды. Сахнада жаңа құрылған командалармен қатар, ардагер ойыншылар да өз өнерін ортаға салды.
Көзді ашып жұмғанша 5 күн зымырап өте шықты. Одан кейінгі 2 күнге созылған галаконцерт көрерменнің көңілінен шығып, жайдарманшылар шабыттанып, жаңа ой, жаңа мақсаттармен тарқасты.
Ал біздің облыстың “жайдарманшылары” үшін биылғы ең үлкен жетістік – Қызылжар құрамасына республикалық Премьер-лига ойындарына жолдама берілді. Яғни, біз енді “Қазақстан” ұлттық арнасынан өз жерлестерімізге жанкүйер бола аламыз. Біздің “Оян, қазақ!” құрамасы алғаш рет сайысқа түссе де, өте сәтті өнер көрсетіп, осындай жетістікке ие болды.
Облыстық “Жайдарман” лигасы Солтүстік Қазақстан кәсіптік-педагогикалық колледжінің басшысы Жеңіс Әбілмәжінге көрсеткен қолдауы үшін алғыс білдіреді.