Soltüstık Казахстан
Петропавл қалалық Ішкі істер басқармасында жас қызметкерлер мен ардагерлердің слеті болып өтті.
Жиынға қатысқан ардагерлердің айтуынша, жас офицерлерге жүктелген міндет жоғары. Сол себепті олар өз жұмыстарын адал атқаруы тиіс. “Ардагерлердің басты мақсаты – өздерінен кейінгілерді ішкі істер саласының жұмысына баулу. Жас офицерлердің ортада өз орнын табуға көмектесіп, жұмыс бабында шыңдалуға жағдай жасау. Сондай-ақ қызметкерлердің өз антына берік болып, Ар-намыс кодексінен айнымау”, – деді Петропавл қалалық ІІБ штабының бастығы, полиция майоры Руслан Тасимов.
Қалалық Ішкі істер басқармасы өңірдегі ең ірі полиция бөлімі болып табылады. Мұнда тоқсан сайын жас офицерлер слеті өтіп тұрады. Жиынның діттегені – жастар мен аға буын арасында байланыс орнатып, пікір алмасу. Ал құқық қорғау саласының ардагерлері әрдайым кеңес беріп, көмек қолдарын созуға дайын. Петропавл қалалық ІІБ Ювеналдық полиция инспекторы Азамат Әбдірахмановтың айтуынша, мұндай жиындардың жас мамандарға берері мол. Тәлімгерлер бар білгендерін әр кез жастарға үйретіп жүр, солардың арқасында жас полицейлер көптеген жетістіктерге жетуде, дейді ол.
Слет психологиялық тренингке ұласты.
СҚО ІІД-нің баспасөз қызметі.