Soltüstık Казахстан
Щучинск қаласында спорттық бағдарлау бойынша ел біріншілігі өтті. Жарыста облысымыздың намысын “Қарасай” олимпиадалық емес жоғары спорттық шеберлік мектебінің 4 тәрбиеленушісі қорғады. Оларды аталмыш мектептің жоғары санатты жаттықтырушы – ұстазы Юрий Чуприков жаттықтырады.
Сайыс қорытындысы бойынша бәсекелі сайыста халықаралық дәрежедегі спорт шебері Аслан Тоқбаев классикалық, орта қашықтық және спринтте күмісті олжаласа, спорт шебері Әсем Назырова аталмыш үш кезеңде де топ жарып, алтыннан алқа тағынды. Байрақты додада халықаралық дәрежедегі спорт шебері Наталья Чуприкова – орта қашықтықта, ал Азат Назыров ұзын қашықтықта қола медальдарға ие болды.
Спорттық бағдарлау бойынша алдына жан салмай, үздік нәтиже көрсеткен Әсем Назырова ақпан айының 17-25 күндері аралығында Эстонияда өтетін әлем чемпионатына іріктеуден өтті.