Soltüstık Казахстан
Наурыздың 28-інде С. Мұқанов атындағы облыстық қазақ сазды-драма театры сол күні көрсетілетін қойылым болмаса да, көрермендерге лық толды. Мұның себебі мынадай еді: сол күні мұқановтық өнер шаңырағының директоры, Қазақстанның еңбек сіңірген қайраткері Қуандық Қасымовты құрметті зейнет демалысына шығарып салу салтанаты өтті.
Зейнолла ӘКІМЖАНОВ,
“Солтүстік Қазақстан”.
Салтанатты шараны облыстық Мәдениет, мұрағаттар және құжаттамалар басқармасының басшысы Рүстем Елубаев ашып, өнер ордасының басшысының иығына шапан жапты.
Зейнеткерді әр жылдарда оның облыс аудандарында өнерді дамытуына көмек берген бұрынғы басшылары: Мария Батаева, Құдайберген Қалиев, Ескендір Елеусізов, Қ. Қасымов құрған “Ақбидай” ұлттық аспаптар ансамблінің құрамындағы өнерпаз достары, ауылдастары, облыстық мәдениет шаңырақтарының басшылары құттықтады.
Мұқановтықтар зейнеткерге арнап есте қаларлықтай өнер тартуын жасады.