Soltüstık Казахстан
Төтенше жағдайлар жөніндегі департамент облыстық Білім басқармасымен бірлесе отырып, өртке қарсы тақырыпта балалар суреті мен өлеңдерінің облыстық байқауын өткізді.
Облыстық Төтенше жағдайлар жөніндегі департамент бастығының орынбасары, полковник Әсет Ысмағұловтың төрағалығымен және төтенше жағдайлар мен білім беру ведомстволарының қызметкерлерінен құрылған қазылар алқасының қатысуымен байқаудың қорытындысы шығарылды.
Байқау шарттарына сәйкес қатысушылар жас ерекшеліктеріне қарай 1-4 және 5-6-сыныптар болып, екі топқа бөлінді. Оқушыларға еркін жанр мен стильде әртүрлі материалдарды қолдану арқылы “Өрттен қалай қорғануға болады?”, “Адам отты бағындыра алды ма?”, “Менің қауіпсіздігім – менің қолымда”, “От – дос, от – жау” тақырыптары бойынша сурет салып, өлең шығару ұсынылды. Балалар шығармашылығы туындының орындалу шеберлігі мен ерекшелігіне қарай бағаланды.
Сайысқа 187 үміткер қатысты. Балалар салған суреттері мен шығарған өлең шумақтары арқылы өртсөндірушілердің ерліктерін, оттың қауіптілігі мен оны болдырмау үшін қандай ережелерді сақтау керектігі жайында түсініктерін байқатты.
Нәтижесінде бастауыш сынып оқушылары арасында бірінші орынды Петропавл қаласының №6 орта мектебінің 2-сынып оқушысы Маржан Сәдуақасова иеленді. Екінші орын Айыртау ауданындағы Саумалкөл ауылының №2 мектеп-гимназиясының 1-сынып оқушысы Мирослава Терещенкоға бұйырды.
Орта буын оқушылары арасында үздік суреттің иесі – айыртаулық Жанна Жүсіпова. Ол – Саумалкөл ауылындағы №2 мектеп-гимназияның 5-сынып оқушысы. Екінші орынды Қызылжар ауданындағы Вагулино орта мектебінің 6-сынып оқушысы Жанбота Сатанова иеленсе, үшінші орынды Айыртау ауданындағы жетім және ата-ананың қамқорлығынсыз қалған мектеп-интернатының 6-сынып оқушысы Павел Ларионов алды.
Өлең жазған қатысушылар арасында бірінші орынды Уәлиханов ауданының Аққұдық негізгі мектебінің 6-сынып оқушысы Анар Жүнісбекова жеңіп алды. Ал екінші орынды Жамбыл ауданының Сенжарка негізгі мектебінің оқушысы Зинаида Лапина мен сол ауданның Святодуховка ауылындағы С.Мұқанов атындағы орта мектептің оқушысы Кристина Тригуб бөлісті. Үшінші орын да жамбылдықтардың еншісінде. Оны С.Мұқанов атындағы орта мектептің бастауыш сынып оқушылары Константин Зябликов пен Анна Вильган алды.
Жеңімпаздарды марапаттау салтанаты облыстың тиісті аудандарында өткізілетін болады.
СҚО ТЖД-нің баспасөз қызметі.