Soltüstık Казахстан
Гүлмира ЗЕЙНУЛЛИНА,
“Даму” қоры АҚ облыстық филиалының менеджері.
Наурыз айының соңғы күні Солтүстік Қазақстан облысының Кәсіпкерлерге қызмет көрсету орталығында өз ісіне жаңа кіріскен кәсіпкерлер үшін “Бизнес-кеңесші” бағдарламасы басталды. Оның бірінші өткізілген “Кәсіпкерлік экспресс-курсының” жиналғандарға өте қызықты, танымды және шығармашылық сипатта болғанын атап өткен жөн. Жеке істерін жаңа бастаған кәсіпкерлермен экспресс-курсын өткізуге өздері де бизнесті табысты жүргізіп отырған “Business Macters” ЖШС-нің кәсіпқой жаттықтырушылары да шақырылды.
Семинарға қатысушылар бизнес-жаттықтырушы Ирина Васильеваның басшылығымен Солтүстік Қазақстан облысының нарықтық мүмкіндіктерін саралай отырып, Петропавл қаласында тұтынушыларға тағам жеткізу, Интернет-дүкен ашу, жүк және жолаушылар тасымалы, нан-тоқаш және кондитерлік өнімдер өндіруді дамыту сияқты сұранысты қызметтер қажеттірек бола алады деп шешті. Семинар тыңдаушыларының тарапынан айтылған инновациялық ой-ұсыныстары, әсіресе, мата, шыны және ағаш материалдарын дизайнерлік өңдеудің жаңа технологияларына, Интернет-қызметтерді дамыту төңірегіндегі жаңашылдық істерге арналды.
Бибігүл Қоқышева – семинарға Мағжан Жұмабаев ауданынан келіп қатысқан кәсіпкер. Оның бизнес жүргізуде мол тәжірибесі бар, кәсіпкерліктің экспресс-курсын тыңдаған ол алдағы уақытта өз ісін жаңаша құруға шешті.
– “Бизнес-кеңесші” тегін курстары туралы “Даму” қоры ұйымдастырған семинарлардың бірінде естіген болатынмын. Курс өте қызықты және танымды болды, әсіресе, бизнес-ойын түріндегі жаттығулар ұнады. Әзірге өз бизнесін ашып үлгермегендерге курста тыңдалған ақпараттың тигізер пайдасы зор деп ойлаймын, – дейді Бибігүл.
Сол сияқты, “Business Masters” ЖШС-і консалтингтік компаниясының директоры Ирина Васильева да семинарға қатысушылардың екі күндік оқуда кәсіпкерлік қызметін жүргізуге байланысты түрлі мәселелер бойынша мол білім алатынын айтады. Онда олар бизнес-ойларын қалай құрып, таңдаудан бастап, бақылаушы органдардың тексерісі кезінде өздерін қалай ұстау керектегіне дейін үйренеді. Курс тренингінде қаржылық жоспарлауды қалай ұйымдастыру, маркетинг жүргізу және ілгерілеу бағдарламасын жасау мәселелері қаралады.