Soltüstık Казахстан
Облыстық дарынды балаларға мамандандырылған қазақ-түрік мектеп-лицей-интернатында жеңімпаздар мен жүлдегерлерді және олардың мұғалімдерін марапаттау салтанаты өтті.
– Биылғы жылы біздің облыстың оқушылары өте жақсы нәтижелер көрсетті. 22 оқушы ғылыми жобалар сайысына қатысып, 11-і жүлделі орындарға ие болды. Президенттік олимпиаданың республикалық кезеңіне 10 оқушы қатысып, 4-уі жүлдегер атанды, қалғандарының барлығы да алдыңғы ондықтың құрамынан көрінді. Өскемен қаласында өткен жаратылыстану-математикалық бағытындағы олимпиадаға қатысқан 9-11-сынып оқушыларының 8-і жүлделі орындар және 5-уі мақтау қағазын алды. Жоғары оқу орындарының грантына ие болған оқушылар да бар. Шымкентте өткен гуманитарлық бағыттағы олимпиададан 14 бала жүлделі орындарға ие болды, – дейді білім басқармасының бас маманы Шекер Жандосова.
Әбу Досмұхамбетов атындағы дарынды балаларға мамандандырылған облыстық гимназия-интернаттың 11-сынып оқушысы Диана Төлепова – қазақ тілінде оқытатын мектептің орыс тілі және әдебиеті пәндерінен, дарынды балаларға мамандандырылған “БЭСТ” гимназиясының 10-сынып оқушылары Анастасия Усольцева – орыс тілі мен әдебиеті, Кристина Любых – құқық негіздері пәндерінен I орын алып, алтын медаль тақты.
Мағжан Жұмабаев ауданындағы Полудин орта мектебінің 11-сынып оқушысы Виктория Дик – орыс тілі мен әдебиеті, дарынды балаларға мамандандырылған қазақ-түрік лицейінің 10-сынып оқушысы Гаухар Күдербекова – қазақ тілінде оқытатын мектептің орыс тілі және әдебиеті, дарынды балаларға мамандандырылған “БЭСТ” гимназиясының 10-сынып оқушысы Дамира Каженова – ағылшын тілі пәндерінен II орынды еншіледі.
Қазақ-түрік лицейінің 10-сынып оқушысы Камила Ткаченко мен 11-сынып оқушысы Диана Усольцева – орыс тілінде оқытатын мектептің қазақ тілі мен әдебиеті, 11-сынып оқушысы Малика Қалитай – қазақ тілінде оқытатын мектептің орыс тілі және әдебиеті, қалалық классикалық гимназияның 10-сынып оқушысы Жібек Башеева – қазақ тілінде оқытатын мектептің орыс тілі және әдебиеті, Әбу Досмұхамбетов атындағы облыстық гимназия-интернаттың 10-сынып оқушысы Арай Молдабаева – Қазақстан тарихы, “БЭСТ” гимназиясының 10-сынып оқушысы Ксения Зайнутдинова – ағылшын тілі, 11-сынып оқушысы Софья Смолина – неміс тілі, 10-сынып оқушысы Дарья Чанышева – француз тілі пәндерінен III орынға тұрақтады. Олар қола медальдерді иеленді.
Ләйла ЖАНЫСОВА,
“Солтүстік Қазақстан”.