Soltüstık Казахстан
Жақында “Севказэнерго” АҚ-ның ұжымдары шаңғы спорты, қысқы балық аулау және суда жүзуден сайысқа түсті.
Өткен жылдың қорытындысы бойынша үздік атанған “Солтүстік Қазақстан тарату электр желісі компаниясы” құрама командасы жаңа маусым басында да шаңғы жарысы мен бассейнде жеңімпаз атанды. Ал “Петропавл жылу жүйелері компаниясы” ЖШС балық аулаудан топ жарды.
Екінші орындардан көрінгендерге тоқталар болсақ, шаңғы жарысында – “Севказэнерго” АҚ-ның автокөлік мекемесінің спортшылары, балық аулауда – “ЖЭО-2”, ал “Севказэнергосбыт” құрамасы суда жүзуде екінші орынға тұрақтады.
Сондай-ақ, сайыс барысында “ЖЭО-2” (шаңғы жарысы), автокөлік мекемесінің спортшылары (қысқы балық аулау) және “Севказэнергосбыт” (суда жүзуде) үшінші болды.
Ойын мәресіне жеткеннен кейін қазылар алқасының шешімімен 64 ұпай жинаған “Севказэнерго” АҚ-ның “Солтүстік Қазақстан тарату электр желісі компаниясы” жарыс жеңімпазы атанды. Ал 52 және 50 ұпайға қол жеткізген “ЖЭО-2” мен автокөлік мекемесінің спортшылары турнир кестесінде сәйкесінше екінші және үшінші орындарға жайғасты.
Облыс орталығындағы мекемелер арасында өткен “Денсаулық” қалалық спартакиадасында да “Севказэнерго” АҚ-ның құрама командасы шаңғы жарысы мен суда жүзуде екінші орынға ие болды.
“Севказэнерго” АҚ-ның жұртшылықпен байланыс бөлімі.