Soltüstık Казахстан
Павлодар қаласында мектеп оқушылары мен колледж студенттері арасындағы VII жазғы спартакиада аясында спорттық акробатикадан жарыс өтті.
Жарыс қорытындысы бойынша бес солтүстікқазақстандық акробатшы сайыс жеңімпазы атанса, тағы бесеуі күміс медальға ие болды. Ал төртеуі қола медальға қол жеткізді. Құрама командамыз жалпыкомандалық есепте акробаттық жолақта секіруде жеңістің биік тұғырына көтерілсе, спорттық акробатикада үшінші орынға лайық деп танылды.
Спортшыларға нақты тоқталсақ, спорттық акробатикада Александр Зотов пен Анастасия Бейсембаева (аралас жұп) жеңімпаз атанса, Әкежан Әнуаров, Дмитрий Безрук, Павел Варламов және Бауыржан Дүйсеновтер (ерлер тобы) екінші болды. Акробаттық жолақта секіру сайысында Александр Шашков, Елизавета Мец, Виталий Делль (1-орын), Мария Топорищева (2-орын), Иван Русаков пен Сергей Клюкиндер (3-орын) үздіктер қатарынан көрінді. Ал Сергей Галицкий мен Вера Филатова батутта секіруде үшінші орын алды.
Қанат СӘДУАҚАС,
дене тәрбиесі, спорт және АӘД өңірлік оқу-әдістемелік орталығының басшысы.