Soltüstık Казахстан
2010 жылдан бастап өткізіліп келе жатқан “Бала Барыс” олимпиадасы жыл сайын дарынды оқушылар санын көбейте түсуде.
Жақында аталмыш білім додасы Петропавл қалалық білім бөлімінің ұйымдастыруымен математика, қазақ тілі және орыс тілі пәндері бойынша өткізілді. Екі кезеңнен тұрған олимпиадаға 34 қала мектебінің 4-ші сыныптарының 84 оқушысы қатысты. Бірінші кезеңнен кейінгі іріктеудеп өтіп, екінші кезеңмен қосқандағы ұпай санымен олимпиада жеңімпаздары анықталды.
Қазақ мектептері бойынша қазақ тілі пәнінен 1-орынды №17 ұлттық орта мектеп-кешенінің оқушысы Әйгерім Кашенова (мұғалімі Ж. Жүкенова) жеңіп алды. Ал 2-орынды әл-Фараби мектеп-лицейінің оқушысы Аяулым Әужанова мен қалалық классикалық гимназияның оқушысы Сабина Бейсембаева бөлісті, 3-орынға №21 орта мектеп оқушысы Саламат Қарлеуітов, №7 орта мектептің шәкірті Әділ Амангелді, №20 орта мектептің оқушысы Даяна Біләлова лайық деп танылды. Математикадан 1-орынды №7 орта мектеп оқушысы Дана Қантаева (мұғалімі Ж. Бейсембина) қанжығасына байласа, 2-жүлделі орынды №6 орта мектеп оқушысы Батырхан Жаров пен Назар Мұхаметжанов, 3-орынды қалалық классикалық гимназияның оқушысы Самат Сарманов, №9 орта мектептен Мади Ташенов және №20 орта мектеп оқушысы Арман Жұмажанов иеленді.
Орыс мектептері арасында орыс тілінен 1-орын №17 ұлттық орта мектеп-кешенінің оқушысы Мария Гутоваға (мұғалімі Б. Құдабаева) берілді. Ал 2-орынға “БЭСТ” гимназиясының оқушысы Ангелина Корнилова, “Дарын” мектеп-лицейінің оқушысы Полина Дроздова, 3-орынға №1 мектеп-интернат оқушысы Варвара Ерошкина, 1-ші лицейден Ангелина Хорошилова және №7 орта мектеп оқушысы Дарья Коваленко лайық деп танылды. Математикадан 1-орынды 1-ші лицей мектебінің оқушысы Дмитрий Анненков (мұғалімі М.Шамшутдинова ), ал 2-орынды №17 ұлттық орта мектеп-кешенінің оқушысы Наталья Никель мен “БЭСТ” гимназиясынан Владимир Титов, жүлделі 3-орынды “Дарын” мектеп-лицейінің оқушысы Радион Бакаев, №32 орта мектептен Диас Хаймолдин және №23 орта мектеп оқушысы Никита Мокринский бөлісті.
Жеңімпаздарға салтанатты түрде дипломдар мен бағалы сыйлықтар табыс етілді.
Күлнар ЖҮНІСОВА,
Петропавл қалалық білім
бөлімінің әдіскері.