Soltüstık Казахстан
Beeline Қазақстан Алматы қаласындағы М.Горький атындағы орталық мәдениет және демалыс саябағында өткен жалпы қалалық ағаш отырғызу науқанына қатысты.
“Ағаш отырғыз” SMS жобасы аясында бес жүзден астам ағаш отырғызылды. Бұл жоба экологияның жақсаруына әрбір қазақстандықтың өз үлесін қосуына мүмкіндік береді. Қолайсыз ауа райына қарамастан, ағаш отырғызу науқанына қатысуға ниет білдірушілер саны өте көп болды. “Beeline”-мен бірлесе отырып, еліміздегі бірнеше қалада көшет отырғызуды жоспарлап отырмыз”, – деп атап өтті “PosadiDerevo.kz” РҚБ басқарушы директоры Дәурен Жолдасбаев.
“Абоненттеріміз SMS жобаға белсене қатысуда. Адамдар, өздері өмір сүріп жатқан орта мен олардың күнделікті өмірі осындай кішкене болса да маңызды қадамдардан тұратынын түсінеді. Бұл ретте, “Beeline”, жүздеген және мыңдаған бастамашыл адамдарды бір-бірімен байланыстыруда”, – деп өз пікірін білдірді Beeline Қазақстан компаниясының корпоративтік қатынас директоры Алексей Бендзь.
“Beeline”-нің “Ағаш отырғыз” SMS жобасы 2011 жылы «PosadiDerevo.kz” қоғамдық бірлестігімен бірлесе отырып ашылды. Жоба аясында барлық ниет білдірушілер Қазақстан қалаларын көгалдандыруға өз үлесін қоса алады. Ол үшін “111” нөміріне бос SMS (құны – 100 теңге) жолдау жеткілікті. Барлық қаражат “PosadiDerevo.kz.” шотына аударылады және көшеттерді сатып алуға жұмсалады.
Науқанға қатысудың екінші жолы – PosadiDerevo.kz сайтында тіркеліп, тіркелген соң берілетін бірегей кодты SMS арқылы “111” нөміріне жолдау. Бес SMS жолдау арқылы (жалпы сомасы – 500 теңге) қатысушы бір ағаштың отырғызылуының ақысын төлейді, қаласа өзі келіп отырғызуына да болады.
“PosadiDerevo.kz” республикалық қоғамдық бірлестігі 2010 жылы қыркүйек айында құрылған. Ұйымның қызметі Қазақстандағы экологиялық жағдайды, бірінші кезекте еліміздің жасыл желек қорын сақтай отырып, жақсартуға бағытталған.
(Өз тілшімізден).