Soltüstık Казахстан
Өткен жексенбіде әлемдегі православиелік христиандар өздерінің басты мерекелері – Пасханы атап өтті. Осыған орай облыс әкімі Самат Ескендіров Петропавл қаласындағы Вознесения Господня шіркеуінде ғибадатханаға жиналған жұртшылықты айтулы мерекелерімен құттықтады.
Жиналғандар алдында сөз сөйлеген өңір басшысы Қазақстанда халықтың салт-дәстүрлері үлкен құрметке ие екенін атап өтті.
– Қазақстан әлемдік қоғамдастықта дінаралық және ұлтаралық татулығымен ерекшеленеді. Бұл ретте Елбасы Нұрсұлтан Әбішұлы Назарбаевтың еңбегі өлшеусіз. Біз бірлескен еңбекпен ғана Отанымыздың игілігі жолындағы ортақ мақсатқа қарай ілгерілей отырып, рухани және экономикалық гүлденуге қол жеткізе аламыз, – деді Самат Сапарбекұлы.
Мерекелік шараны өткізген Петропавл-Булаев епархиясының епископы Гурий өз кезегінде облыс әкіміне Пасха мерекесімен құттықтағаны үшін алғысын білдіріп, қызметте табыс пен сәттілік тіледі.
Қанат АТАМАНОВ,
“Солтүстік Қазақстан”.
Суретті түсірген
Талғат ТӘНІБАЕВ.