Soltüstık Казахстан
Аудандық кітапханашылар семинары біздің мектеп кітапханасына арналғандықтан, оның жұмысы алдымен слайдтар арқылы таныстырылды. Мектеп гуманитарлық бағытта болғандықтан, қазақ тілі мен әдебиеті пәндерінің мұғалімі оқырмандардың аудандық, облыстық жетістіктерімен таныстырып өтті. 8-10-сынып оқушылары Абай мен Махамбеттің, Мағжанның, М. Мақатаевтың, Т. Айбергенов пен М. Шахановтың өлеңдерін оқып берді.
Психолог А.А. Жаманова кітапханашылармен сергіту тренингін өткізді. Кітап сарқылмас қазына екенін, білімнің кітап арқылы берілетінін, кітаптың адам өміріндегі маңызы, ғылым мен білімнің пайдасы жайлы кітапханашы Мәдина Салықова баяндады.
Балалар кітап апталығына арналған “Білімнің бас құралы – кітап”, “Ы. Алтынсарин – қазақ балалар әдебиетінің атасы” атты әдеби кешке 3-6, 10-сыныптар оқушылары белсенді қатысты.
Семинар аяғында мектеп директоры Айсұлу Капенова, аудандық кітапхана жұмысының әдіскері Анар Қалауиденова және барлық қатысушылар семинар жоғары деңгейде өтті деп бағалады.
Салтанат ӘБДІРАХМАНОВА,
Алқатерек орта мектебінің қазақ тілі мен әдебиеті пәндерінің мұғалімі.
Ақжар ауданы.