Soltüstık Казахстан
Облыс орталығында су басу қаупі бар саяжай учаскелері мен елді мекендерді қатерден қорғау мақсатында солтүстікқазақстандық полицейлерден және Төтенше жағдайлар жөніндегі департаменттің қызметкерлерінен жедел топ құрылды.
Сарбаздар су маңында орналасқан саяжайларды күзетке алса, ал көлік жүре алмайтын аумақтарды салт атты полиция топтары қарауылдауда. Біріктірілген топтардың көмегімен Заречный кенті мен Өзен портының аумағы да қоршауға алынды. Құрылымдардың қызметкерлері саяжайшылар арасында түсіндіру жұмыстарын жүргізіп, бұл аумақтарда қалудың қауіпті екенін ескертуде.
Бұған дейін Есіл өзенінің арнасынан шығуына байланысты апаттың алдын алу мақсатында Челябинск-Новосибирск тас жолы жабылған болатын.
Ерлан МАХМЕТОВ,
СҚО ІІД баспасөз қызметінің маманы.