Soltüstık Казахстан
Құрметті солтүстікқазақстандықтар!
Қазақстан халқының бірлігі күні құтты болсын!
Шын мәнінде ұлы да бүкілхалықтық осы мереке көпұлтты және көпконфессиялық қоғамымыздағы топтасқандық пен бірлікті, татулық пен келісімді бейнелейді.
Ол, біз, қазақстандықтар тарихи тағдыры ортақ және болашағы ортақ біртұтас халық екендігімізді есімізге салады.
Бұл құндылықтар мемлекеттің өз ішінде де, дүниежүзілік аренада да Қазақстанның бүкіл жетістіктері мен өзгерістерінің негізіне айналғанын ұмытпау және ұғыну маңызды.
Сондықтан да елімізді мекендеген барлық этностардың тең құқықтары мен тең мүмкіндіктерінің қамтамасыз етілуі Президентіміздің ұзақмерзімді “Қазақстан – 2050” Стратегиясының түбегейлі басымдығы болып табылуы тектен-тек емес.
Бірегей қоғамдық институт ретінде нақ Қазақстан халқы Ассамблеясының борышы – осы бір айрықша мақсатты жүзеге асыруда сенімді жетекші болу.
Тек біздің Солтүстік Қазақстан облысының орталығының өзінде ғана өздерінің күнбе-күнгі еңбегімен достық пен толеранттықты нығайтуға айтарлықтай үлес қосып, халықтарымыздың мәдениетін, тілін, дәстүрлері мен ғұрыптарын дамытуға жәрдемдесіп жүрген – 22 және облыс аудандарында 103 этномәдени бірлестік жұмыс істейді.
Мемлекет басшысы Н.Ә.Назарбаев Қазақстан халқы Ассамблеясының жақында өткізілген ХХІ сессиясында: “Қазақстандық мәдениет елдегі бүкіл этностардың мәдени қатпарларының тығыз қарым-қатынасы арқасында қалыптасты”, – деп айрықша атап көрсетті. Сессия делегаттарының алдында сөз сөйлеген Президент қазақстандық бейбітшілік пен рухани келісім мәдениетін одан әрі нығайту жөнінде кезекті рет бүкіл елдің алдына елеулі міндеттер қойды.
Біз солтүстікқазақстандықтардың жинақталған экономикалық және адами әлеуетін пайдалана, кәсібилікке және зор азаматтық жауапкершілікке иегер бола, ең әуелі бірлік пен толеранттыққа арқа сүйей отырып, қойылған бүкіл мақсатқа міндетті түрде қол жеткіземіз деп сенемін.
Қымбатты жерлестер! Қазақстан халқы бірлігінің тамаша мерекесімен шынайы құттықтауымды қабыл алыңыздар! Сіздерге мықты денсаулық, татулық, жақсылық, амандық-саулық және табыс тілеймін!
Самат ЕСКЕНДІРОВ,
Солтүстік Қазақстан облысының әкімі.