Soltüstık Казахстан
Төтенше жағдай жөніндегі департаменттің қызметкерлері Ұлы Отан соғысының ардагерлерін құттықтады.
“Төтенше жағдайлар органдары ардагерлерінің қазақстандық ұйымы” қоғамдық бірлестігінің облыстық филиалының төрағасы Сағынбай Уәлиев бастаған топ келешек ұрпақтарының бақытты да жарқын болашағы үшін күрескен ардагерлер: Анатолий Гершунов, Нина Василенко, Мария Борисова және Владимир Гвоздевтің үйлеріне барып, қарияларды мейрамдарымен құттықтады. Бұл ізгі қадамның мақсаты – майдангерлер мен тыл еңбеккерлерін мерекемен құттықтап, сыйлықтар тапсыру және қарттарға мықты денсаулық, ұзақ ғұмыр тілеп, ерліктері, қайсарлықтары мен батырлықтары үшін алғыс айту.
Көрсетілген құрметке көңілдері босаған самайларын ақ қырау шалған ардагерлер болса, ТЖ ведомствосының қызметкерлеріне назардан тыс қалдырмағандары үшін ризашылықтарын білдіріп, оларға жауапты жұмыстарында төзімділік пен ұстамдылық тіледі.
Сонымен қатар, облыстық ТЖД ардагерлер кеңесінің қызметкерлері соғыс және өртке қарсы қызмет ардагерлері Мұқатай Айтбаев, Зоя Юхновец, Василий Терейковский және Петр Перфильевтің шаңырақтарында болып, оларға материалдық және моральдық қолдау көрсетті.
Облыстық ТЖД-нің баспасөз қызметі.