“Қазақстан” ұлттық телеарнасынан “Қазақстан дауысы” телевизиялық жобасы екі жыл қатарынан ел арасында танылмай жүрген күміс көмей таланттарды жұртшылыққа таныстыруда. Аталмыш байқаудың осы жылғы 130 үміткерінің арасында жерлесіміз Иса Әлимұсаев та бар. Ол жобаның алғашқы “Көрмей тыңдау” кезеңінде қоңыр даусымен, ән таңдау, оны тыңдаушылардың жүрегіне жеткізу мәдениетімен қазылар алқасында отырған тәлімгерлердің назарына ілігіп, елімізге танымал әнші …
Серік Айдарбеков, облыстық “Жастар бастамалары орталығының” маманы: – Біз, жастар, тәуелсіздіктің қасиетті ұғым екендігін қайталап айтсақ та, оны шын мәнінде жанымызбен түсіне бермейтініміз рас. Өйткені, еркіндіктің дүниедегі еш нәрсемен тең келмейтін өлшеусіз құндылығын сезіну үшін толарсақтан саз кешкен заманда өмірге келіп, оның қасіретіне куә болу керек шығар. Ал біздер оны көрмедік. Біздер – арыстан аталарымыз …
Келешегіміздің келбетті, болашағымыздың баянды болуы бүгінгі жастардың, ертеңгі өрендердің біліміне, ұмтылысына тікелей байланысты екендігін аға буын өкілдерінен көп естиміз. Оны жастарға артқан зор сенім мен үміттің көрінісі десек, жастарға үлкен жауапкершіліктің жүктеліп отырғандығын аңғаруға болады.
Әйгерім Теңдік Мағжан Жұмабаев ауданының Сарытомар ауылында өмірге келген. Бүгінде Петропавл өнер колледжінің “Кескіндеме” бөлімінің IV курс студенті. Болашақ суретші осыған дейін түрлі облыстық, республикалық байқауларда бағын сынап, жеңімпаздар қатарынан көріне білді. Өнерде жеткен жетістіктері үшін 2009 жылы облыс әкімінің Алғыс хатымен марапатталды. Суреттерді түсірген Талғат ТӘНІБАЕВ.
Баспана осыдан бірнеше жыл бұрын тұрғындардың, әсіресе, айлығы шайлығына әрең жетіп, тапқандары пәтерақыдан артылмайтын қала жастарының жанына батқан, күрмеуі шешілмейтін күрделі мәселедей болып көрінетін. Баспаналы болудың оңай жолын таппай сенделіп, өзге босағалардың табалдырықтарын тоздырғандар “Өз үйім – өлең төсегім” деген сөзді көкіректі кернейтін мақтанышпен айта алмағандары қашан?
Бала кезінен тәтті тағамдар дайындап, жайылған дастарқанды әрлеп, қонақтардың көңілін табуды арманына айналдырған Венера Пичугова бүгінде Тимирязев ауданындағы “Москворецкое” жауапкершілігі шектеулі серіктестігінде бас аспаз болып жұмыс істейді. Ол жақында өткізілген облысымыздағы жас жұмысшылардың “Еңбек адамы” байқауына қатысып, “Үздік аспаз” аталымы бойынша бас бәйгені жеңіп алды.
25 қараша – 10 желтоқсан аралығында отбасында әйелдерге зорлық-зомбылық жасауға қарсы халықаралық науқан өтіп, оған облыс полиция қызметкерлері де белсенділікпен қатысты.
Үстіміздегі жылғы қараша айының басында Петропавлдың 57 жастағы тұрғыны өмірден озған әкесінің артында қалған дүние-мүліктерін қарастырып жүріп, қауіпті қару-жарақты тауып алған. Бұл 1964 жылы шығарылған “ИЖ-26” аңшы мылтығы екен.
Халықаралық сыбайлас жемқорлықпен күрес күніне орай М. Қозыбаев атындағы Солтүстік Қазақстан мемлекеттік университетінде “Біздің міндет – халыққа қызмет!” атты жастар форумы өтті.
Жастардың басын біріктіріп, оларды елдің, өңіріміздің өміріне белсене араластыруды көздеген ұйымдар да, қоғамдық бірлестіктер де, орталықтар да баршылық. Олардың денінің илегені бір терінің пұшпағы болса да, араларында озық істерімен, тың идеяларымен көзге түсіп жүрген жастарды көріп, ел ертеңіне болжам жасағандай масаттанасың. Солардың бірі – М. Қозыбаев атындағы Солтүстік Қазақстан мемлекеттік университеті Тіл және әдебиет институтының …
Бүгінде “көк жәшікті” қосып қалсақ, көретініміз – шетелдің сериалдары. Ұшы-қиыры жоқ, бітпейтін ұзын-сонар әңгімеге, бір отбасының дау-жанжалы мен ұрыс-керісіне, өсек-аяңы мен былапыт сөзіне толы сериалдарға үйдің үлкендері түгіл, балдырғандары мен жеткіншектері де телміріп отырады. Отырмай қайтсін? “Он екі жасқа толған балаларға ата-аналарымен көруге рұқсат етіледі” деп айдар тағып қойса?! Таңертеңнен кешке дейін жұмыс істеп, қас …
Қазақы тәрбиені тал бойына сіңірген әр адам оң-солын танып, жасы жеткенде шаңырақ көтеріп, ұлтының болашағына бағдар жасап, аяулы ана, ардақты әке, қамқор жар атанайын деп үйленеді. Әркім өмірлік серігінің сұлулығы мен сымбатына, ақыл-парасатына, тегі мен тәрбиесіне баса назар аударады. Арадағы қылдай нәзік махаббат отау құрып, балалы болғаннан соң беки түсіп, үлкен қорғанға айналады. Ал бүгінгі …
Елбасы Нұрсұлтан Назарбаев жастар мәселесін ешқашан назардан тыс қалдырған емес. Оның бір көрінісі – жастар саясатының тұжырымдамасы бекітіліп, 2004 жылы “Мемлекеттік жастар саясаты туралы” Заңның қабылдануы. Соған сәйкес әр өңірде жастар ісімен айналысатын ұйымдар мен орталықтардың саны артып, олар жүйелі жұмыс жүргізіп келеді.
Кез келген жоғары оқу орны өзіне менмұндалап шақыратын сұлу ғимараттарымен, кітапханаларымен, жатақханаларымен және спорт кешендерімен ерекшеленеді. Өйткені, мыңдаған түлектің талабын шыңдап, жігерін жанып, кәсіби арнасын кеңейтетін қасиетті қара шаңырақтар білімнің ғана емес, бірінші кезекте тәрбиенің талбесігі іспеттес. Жастарға жасалған түрлі жағдай, студенттерге жайлы қызмет көрсететін кабинеттермен қамтамасыз етілуі олардың жақсы тәрбиемен қатар, сапалы білім алуының …
Жақында облыстың қонақүйлерінде, сауналарында және басқа да ойын-сауық орындарында қоғамдық тәртіптің сақталуын қадағалау бойынша республикалық жедел іс-шара аяқталды.
Облыстық спортқа дарынды балалардың мамандандырылған мектеп-интернатының жаттықтырушылары Серәлі Құсайынов, Евгений Сорокин және Мейрам Хамзин өз шәкірттерін Орал қаласында осы оқу орындары арасында өткен грек-рим күресі балуандарының республикалық чемпионатына бастап барып, олжалы оралды.
Саумалкөлдегі мектеп-интернат ауласында стандартқа сай жаңа хоккей корты ашылды. Бұл нысанның тапсырылуы жасөспірімдерді саламатты өмір салтына тартуға, дене шынықтыру мен спортты насихаттауға бағытталғандығына баса назар аударған аудан әкімі Ағзам Тастеміров мектеп-интернаттың тәрбиеленушілеріне жаңа хоккей формаларын сыйлады.
“Ресей теміржолдары” ААҚ-ның осы жылдың 14 желтоқсанынан бастап ТМД аумағындағы бірнеше елге, соның ішінде Қазақстанға қатынайтын кейбір пайдасы аз пойыз маршруттарын тоқтататыны туралы хабарламасы облыс жұртшылығын елең еткізді. Қазақстан Республикасы аумағында орналасқанымен, ведомстволық бағыныштылығы бойынша Ресейдің Оңтүстік-Орал теміржолына қарайтын Петропавл теміржол бөлімшесі үшін бұл, расында да, алаңдатарлық жай.
Жуырда бесінші шақырылымдағы Петропавл қалалық мәслихатының кезектен тыс ХХХІ сессиясы өтті. Депутаттар жиналысының жұмысына Петропавл қаласының әкімі Марат Тасмағанбетов пен оның орынбасарлары, қалалық бөлімдердің басшылары, бұқаралық ақпарат құралдарының өкілдері қатысты.
