“Ата-ананың қадірін балалы болғанда білесің” деген рас екен-ау. Тайқұлындай тебісе ойнақтап жүріп, ата-анамыздың құшағында өткен балалық шақ қанша есейсек те, көңілге сәуле беріп тұрады екен. Өткенге ой жүгіртсек, ол өмір кіршіксіз, пәк сезімнің кезеңі болыпты. Олар бүгінде қасымызда жоқ болса да, сол жылдарды еске алумен-ақ өзімді бақытты сезінемін. Сол естелігіммен сіздермен бөліссем деймін…
Алматыда ережесіз жекпе-жектен Қазақстан кубогы аяқталды. Бәсекелі жарыста 65 килограмм салмақ дәрежесінде Алтынбек Бәжімов екінші орында болса, Айбас Қонқаев 84 килограмм салмақта үшінші орынға тұрақтады.
Солтүстікқазақстандық спортшы Дарья Назарова таэквондодан әлем кубогының иесі атанды. Облыстық дене шынықтыру және спорт басқармасының баспасөз хатшысы Дарья Степина хабарлағандай, Минск қаласында өткен әлем кубогы үшін сайысқа 1600 спортшы қатысыпты.
Петропавл қазақ гимназиясында волейболдан 1986 жылғы Желтоқсан көтерілісінің құрбаны, жерлесіміз Нұржан Қалиасқаровты еске алу турнирі өтті. Қазақстан Республикасының Тұңғыш Президенті күні мен ел Тәуелсіздігі мерекелеріне арналған спорттық шараны “Желтоқсан ақиқаты” қоғамдық бірлестігі, Нұржан Қалиасқаров атындағы “Желтоқсан” қоры, облыстық дене шынықтыру және спорт басқармасы бірлесіп ұйымдастырды.
“Возрождение” әуесқой көгершін өсірушілер клубы Тәуелсіздік күні мерекесі қарсаңында бейбітшілік символы болып табылатын құстың түр-түрін топтастырып, үлкен көрме ұйымдастырды.
Облыстық денсаулық сақтау басқармасы Тәуелсіздік күніне орай “Қазақстан – менің туған елім!” атты байқау ұйымдастырды. Медицина қызметкерлері бір күнге ақ халаттарын шешіп, сахна сәніне айналды.
Жамбыл ауданындағы Пресновка ауылында “Жас ұрпақ – ел тілегі” деген тақырыпта өткізілген ауыл жастарының форумы екі күнге созылды. Ауыл жастарының әлеуметтік белсенділігін арттыру мақсатында ұйымдастырылған шараға мемлекеттік қызметшілер, өңірдің түрлі саласында жемісті еңбек етіп жүрген жас мамандар мен еңбек адамдары қатысты.
Петропавл қалалық Мәдениет үйінде облыстық тілдерді дамыту жөніндегі басқарманың ұйымдастыруымен ел егемендігінің 23 жылдық мерекесіне орай “Тәуелсіздік – тұғырым” атты әдеби-музыкалық кеш өтті. Шараға Қазақстан халқы облыстық ассамблеясының өкілдері, ардагерлер, балабақшалар және денсаулық сақтау мекемелерінің мамандары, мұғалімдер мен оқушылар қатысты.
Облыстық тарихи-өлкетану мұражайында петропавлдық мектептер мен колледждердің оқушыларына Тәуелсіздік күніне орайластырылған арнайы сабақ өткізілді. Онда балалар 1991 жылы еліміз егемендік алған күннен бүгінге дейінгі тарихынан құлағдар болды. Оған биыл – 23 жыл. Осы аралықта Қазақстан өзін әлемге жас та болса серпінді дамып келе жатқан мемлекет ретінде таныта білді.
Петропавл қаласындағы “Ашық аспан” жекеменшік бөбекжай-балабақшасында семинар өтті. Тәуелсіздік мерекесіне орай өткізілген семинарда Мағжан өлеңдері арқылы балаларды отансүйгіштікке тәрбиелеу мәселелері сөз болды.
“Өз ұлын, өз ерлерін ескермесе, ел, тегі, қайдан алсын кемеңгерді” деп ақын Ілияс Жансүгіров жазғандай, ұзақ жылдар бойы есімі еленбей келген, тіпті, халық жадынан өшіп кетуге шақ қалған қаншама дара да дана тұлғаларымыз Тәуелсіздіктің арқасында халқымызға қайта оралып, атқарған ұлы істеріне орай лайықты құрметке бөленуде.
Кез келген мемлекет кемел келешегін өзінің жалынды жастарымен, өскелең ұрпағымен байланыстырары сөзсіз. Ата-бабаларымыз, біз, бүгінгі ұрпақ үшін ақтық демі қалғанша күресіп, толарсақтан саз кешіп, еңселі егемендікті сыйлады. Бұл бізге бұйырған өлшеусіз бақыт деп ойлаймын.
Ата-бабамыз аңсаған асыл арман – азаттық таңы атып, тәуелсіздікке қол жеткіздік. Бүгінде желбіреген көк туымыздың астында бейбіт өмір кешіп отырған жайымыз бар. Түсіне білген адам үшін осының өзі баға жетпес бақыт, қымбат қазына. Тәуелсіздік таңы оңай атқан жоқ. Қаншама адамның тағдыры тәлкекке түсіп, қазақтың жап-жас ұл-қыздары қыршынынан қиылды. Тарихымызда ерекше орын алып, халқымыздың қасіреті мен …
Бүгінгі бала – ертеңгі ел азаматы. Тал шыбықты өскенше қалай мәпелесең, жемісі де соған сай болатыны сияқты, адам баласының ой-түсінігі, қимыл-әрекеті бойына сіңірген тәрбиесіне, алған біліміне байланысты. Бүгінде мемлекетіміз өркениетті ұрпақ тәрбиелеу ісіне үлкен мән беріп отыр. Жыл сайын мемлекеттік қордан қомақты қаржы бөлініп, зайырлы елдің ұрпағын тәрбиелеп, заманауи біліммен сусындату үшін стратегиялық жоспарлар жасалып, …
Қараша айының соңында өңірімізде тұңғыш рет өткізілген “Kyzylzhar Invest – 2014” кең ауқымдағы халықаралық инвестициялық форумының көрмесінде алпыстан астам жергілікті кәсіпорын мен өнеркәсіп саласы өкілдері жұртшылық назарына өз өнімдерін ұсынған болатын. Олардың қатарында Талшық ауылында тұратын жеке кәсіпкер Жандос Мәдиғажының да бұйымдары бар.
Той-томалақсыз отырмайтын қалалықтардың жөн-жоралғы үшін іздеп жүріп алатын тауарларының бірі – әсем безендірілген, жылтыр қорапты “Ассорти” кондитер бұйымдары. Ол алып жүруге де ыңғайлы, сый-сияпат жасауға да қолайлы. Пірәндіктер мен печеньелердің бірнеше түрінен, түрлі түсті балқытылған кәмпиттердің жиынтығынан құралып, салмағына қарай фирмалық қораптарға салынған тәтті тағамдардың “Бензострой” шағынауданындағы “Петропавл-Кондитер” ЖШС-де шығарылатындығына тұтынушылар аса назар аудара бермейді.
Армысың асқақ, аспандай нұрлы, ізгі күн, Қауышып тағы, құшақты жайдық біз бүгін. Егемендіктің ұстатқан мәңгі тізгінін, Айналдым сенен, айбарлы Тәуелсіздігім!
Тәңірдің біздің ұрпаққа берген үлкен сыйы, халқымыздың мәңгілік құндылығы – ел тәуелсіздігі бізге, ең бастысы, бейбіт аспанда өмір сүру бақытын сыйлады. Жиырма үш жылдың ішінде елдің әл-ауқаты көтеріліп, төл мәдениетіміз бен мемлекеттік тілді жаңғырту ісінде қыруар жұмыс атқарылды.
Бірнеше жылдан бері Солтүстік Қазақстан облысының велошабандоздары өңірлер арасында спорт рейтингінің көшін бастап келеді. Осының өзі облысымызда велоспорттың дамуы дұрыс жолға қойылғандығын дәлелдейді. Егер 2013 жылы облыс орталығында мүмкіндігі шектеулі азаматтарға арналған “Үміт” клубы мен Лондонда өткен Олимпиада ойындарының жеңімпазы Александр Винокуров атындағы “KYZYLZHAR VINO 4-ever” құрлықтық велоклубы жұмысын бастаса, 2014 жыл да спортшыларымыз үшін …
2011 жылы облыстық перинаталдық орталықта бірден төрт сәби өмірге келді. Бұл сүйінші хабарды нәрестелердің ата-анасымен бірге біздің газет тілшілері де оқырмандарға жеткізіп, қалың жұртшылықты қуанышқа бөлеген болатынды. Шаңырағы шаттыққа толған Ивановтар отбасы Қызылжар ауданына қарасты Бескөл ауылында тұрады.
