Бірде үйге алыстағы ауылдан жақын туыс ағаларының бірі – Қаныбек қонаққа келді. Біржан оны өте жақсы көретін. Сол себепті ағасының қыр соңынан қалмайтын. Қаныбек үйге кірсе кіріп, шықса бірге шығатын. Немересінің қылығын байқаған әжесі: – Біржан, Қаныбектің көлеңкесі құсап соңынан неге қалмайсың? – дегенде, ол: – Ой, әже мен оған супер наклейка болып жабысып қалдым …
“Асыл – тастан, өнер жастан шығады” демекші, балалар, жастайыңыздан өнер атаулыға қызығушылық танытып, суырып салып, өлең шумақтарын шығарып, қолөнер бұйымдарын жасауға әуестенсеңіздер, туындыларыңызды жұртқа көрсететін кез жетті. Әртүрлі тақырыптарға қалам сілтеген туындыларыңызды редакцияға жолдауларыңызға болады. Бұл айдармен түрлі тақырыптарды қамтыған өнер туындылары жас оқырмандар назарына ұсынылып, авторы мен шығармасы жайында мәлімет беріліп отырады. Ол үшін …
Қазақ халқы ауа райын табиғат пен жан-жануарларға қарап-ақ анықтаған. Мәселен, торғайлар топтаса ұшып, қайта-қайта қонып, денелерін сіліксе – жазда жаңбыр көп жаууының, көктемде, қыста ауа райының бұзылуының белгісі. Егер жауын жауып тұрғанда торғайлар зуылдап ұшып жүрсе, кешікпей күн ашылатынын білдіреді. Ал торғайлар суды ұзақ ішсе, жауын-шашынсыз, күн ашық болады. Егер бұта-бұтақтарға тығылып ықтаса, күн суытып, …
Ер бала алғаш сапарға шыққанда жасалатын дәстүрлі бас қосуды тоқымқағар деп атаған. Бұрындары көлігіміз жылқы малы болғандықтан, ер жігіт жолға шыққанда ер-тоқымын сайлап, үйге қонақ шақырылған. Арнаулы мал сойылып немесе сыйлы мүшелер салынып, ет асылатын. Кең дастарқан жайылатын. Ойын-сауық ойналып, өлең-жыр айтылатын. Бұл – сапарға шыққан жігіттің тоқымы жерде қалмасын, ат-көлігі аман келсін деген жақсы …
Жас достар, газетіміздің “Балалар әлемі” қосымшасынан бұған дейін де әлем халықтарының тәлім-тәрбие берер талай ертегілерін оқып келдіңіздер. Біз сол дәстүрімізді жалғастыра отырып, енді “Әлем халықтарының ертегілері” деген айдардың аясында еліміздегі ынтымағы жарасқан ұлттар мен ұлыстардың ертегілерін, ғибратты әңгімелерін жариялап отыруды жөн көрдік. Егер де, балалар, сондай ертегілердің бірін өздеріңіз де білсеңіздер, газетімізге жолдаңыздар. Бірлесе оқиық. …
Қазақта “Болар бала бесігінде бұлқынар” деген нақыл бар. Бұл мақал жастайынан алысқа қараған бала жайында айтылған. Кішкентайынан түрлі үйірмелерге қатысып, аудандық, қалалық, облыстық, тіпті, республикалық түрлі додаларда жеңіске жеткен балғындарымыз баршылық. Сол себепті “Балалар әлемі” қосымшасында биікке ұшпаса, құмары қанбайтын құстай ұмтылып, алғашқы жеңістеріне жеткен жас жеңімпаздарымыз жайлы әңгімелеуді жөн көрдік.
Өткен жыл солтүстікқазақстандық спортшылар үшін жеңіске толы болды. Жерлестеріміз республикалық және халықаралық додаларда топ жарып, жүзден жүйрік, мыңнан тұлпар атанды.
Өткен жылы облысымызда құрылған спорттық жекпе-жек және күш қолданылатын спорт түрлері конфедерациясының бөлімшесі мен облыс әкімдігі арасындағы екіжақты әріптестік туралы меморандумның аясында спортқа дарынды балаларға мамандандырылған облыстық спорт мектеп-интернатында өңірімізде кенже қалып келе жатқан олимпиадалық спорт түрлерін дамытуды қолға алу мақсатында 5 зал ашылған болатын. Солардың бірі – “WTF” таэквондо залы.
Облыс орталығында мас күйде көлік жүргізген полиция қызметкері А.Ткаченко 5 жылға көлік жүргізу құқығынан айрылды. Мұндай шешімді Петропавл қаласының мамандандырылған әкімшілік соты шығарды.
Облыстағы қару айналымын лицензиялау және бақылау бөлімшелерінің қызметкерлері биылғы жылдың 1 қаңтарынан бастап күшейтілген режімге көшті. Бір жыл бойы жарақат салатын патрондармен ату мүмкіндігі бар ұңғысыз, газды қару, атыс қаруларын өз еркімен тапсыру бойынша республикалық акция басталып кетті.
Аудандық ішкі істер бөлімінде және облыстық ішкі істер департаментінің аппаратында өткен байқауларда жеңімпаз атанған криминалистер, анықтаушылар мен тергеушілер бірнеше кезеңнен тұратын облыстық байқауға жолдама алған болатын.
Облыстық аурухана аллергиялық ауруларды емдеуде жаңа тәсіл енгізді. Облыстық аурухананың аллерголог дәрігері Рустам Әжібаевтың айтуынша, бұрындары науқастың бойында ауруды қоздырушы аллергендерді анықтау үшін қан тапсыру қажет болған. Енді арнайы құрылғының арқасында 20 минуттың ішінде дерттің пайда болу себебін анықтап қана қоймай, сол мезетте ем қолданылады екен.
Жамбыл аудандық ішкі істер бөлімі өз қызметкерлерінің балаларының қысқы демалыс уақытын қызықты өткізу мақсатында арнайы саяхат ұйымдастырды. Оның барысында оқушылар ішкі істер департаментінің мұражайымен, полицейлердің атты әскері және кинологиялық орталықтың жұмысымен танысты.
Ғ.Мүсірепов атындағы ауданның орталығы – Новоишим ауылында заманауи дене шынықтыру-сауықтыру кешені пайдалануға берілді. Ендігі жерде ол аудандық “Балалар мен жасөспірімдердің спорттық-сауықтыру кешені” коммуналдық мемлекеттік қазынашылық кәсіпорнының қарамағында болмақ. Аталмыш нысанның құрылысына жұмсалған қаражаттың жалпы сомасы 235728,7 мың теңгені құрайды. Оның 186388,0 мың теңгесін республикалық бюджет пен трансферттен бөлінген қаржы құраса, 49340,7 мың теңгесі – жергілікті …
Қазақстан Республикасы Президентінің 2014 жылғы 18 маусымдағы №841 Жарлығымен Қазақстан Республикасының зейнетақы жүйесін одан әрі жаңғыртудың 2030 жылға дейінгі тұжырымдамасы бекітілді. Қазақстан Республикасының зейнетақы жүйесін жаңғыртудың қажеттігі:
Еліміз тәуелсіздік туын желбіреткеннен бері өскелең ұрпақ ел қорғаған Абылай, Бөгенбай, Қабанбай, Баян батырлар сынды ата-бабаларымыздың ерлігін дәріптеп өсті. Екінші дүниежүзілік соғыстағы Ұлы Жеңісті жақындатқан батыр аталарымыздың жанкешті ерліктерін майдангерлердің өз аузынан естіп, олар туралы кинофильмдерді тамашалап ержетті. Одан беріде Ауғанстан жерінде интернационалдық борышын өтеп, еліне оралған абыройлы ерлердің әскери міндетке адалдығын көріп, болашақ ел …
Солтүстік Қазақстан облысы – дамыған өндірістік секторы, сауда саласы және айтарлықтай аграрлық әлеуеті бар өңір. Облыстың жер қоры – 9804,3 мың, оның 8404,7 мың гектарын ауыл шаруашылығы алқаптары, соның ішінде жыртынды жер 4881,7 мың гектарды құрайды. Облыс жер қорының құрылымында ауыл шаруашылығы мақсатындағы жерлер анағұрлым көп, олар 7168,5 мың гектар немесе облыс аумағының 73,1%-ы .
Екінші дүниежүзілік соғыс жылдарында кіндік қаны тамған жерлерінен еріксіз жер аударылған халықтардың дені Қазақ елінен пана тапты. Оларды ешкім өгейсітіп, өзекке тепкен жоқ. Керісінше, бауырға санап, бір үзім нандарымен бөлісіп, тұрмыс тауқыметін еңсерулеріне қол ұшын берді. Осылайша жер аударылған өзге ұлт өкілдері Қазақстанға сіңісіп, тамыр жайды.
Заман құбылып тұр. Сөз жоқ, жақсылыққа сүйсінеміз. Дегенмен, күннен-күнге халі нашарлап бара жатқан талай ауылдың жайын ойлағанда көңіліміз пәс тартып, көкірегіміз қарс айырылғандай болады. Арыны асау теңіз төріне жел айдап әкеткен ескексіз қайық сияқты қалт-құлт еткен ондай ауылдар қай жағаға барып тұмсық тірер екен? Ежелгі кейпіне енбесе де, сәл де болса еңсесі тіктеліп, тынысы ашылар …
“Даму” кәсіпкерлікті дамыту орталығы мен “Казкоммерцбанктің” “Құс жолы” корпоративтік қайырымдылық қоры бірлесіп, мүмкіндігі шектеулі жандар үшін “Жұлдыздарға қара!” жобасын жүзеге асырып жатқанына биыл оныншы жылға аяқ басты. Аталмыш банк тарапынан жыл сайын қайырымдылық және әлеуметтік жобаларға 100 миллион теңге қаржы бөлінеді. 2005 жылдан бері республика бойынша 600-ге жуық адам жобаға қатысуға ниет білдіріп, оның ішінде …
