Елбасымыздың Қазақстан халқына жыл сайынғы Жолдауларын мемлекетіміздің, ел тұрғындарының болашағын бағамдап, алға басар қадамдарымыздың бағыттарын айқындайтын баға жеткісіз бағдар деуге болады. Жолдауда еліміздің жаңа ғылыми, технологиялық жетістіктерін басшылыққа ала отырып, мал шаруашылығын дамыту ауыл шаруашылығын өркендетудің өзекті міндеттерінің бірі ретінде Елбасымыздың назарынан тыс қалған емес.
Индустрияландыру күні шеңберінде өткен жалпыұлттық телекөпірде Елбасының рұқсатымен іске қосылған “Әулие” өндірістік алтын кеніші жөнінде сөз қозғамас бұрын аз-кем шегініс жасағанды жөн көрдік. Сонда мемлекеттік ауқымда үлкен қозғау салынып отырған мәселенің мәні ашыла түсер деген ойдамыз.
Астана қаласындағы “Ұлттық ғылыми медициналық орталық” акционерлік қоғамы денсаулық сақтау саласындағы жетістіктері үшін Францияның беделді жүлдесі – Наполеон орденіне ие болды, ал оның бас директоры Абай Байгенжинге “Медицина маршалы” атағы берілді.
Облыс орталығының 50 жастағы бір тұрғынының “ПБ-4 М ОСА” тапаншасы бар еді. Жақында ол он екі жыл бойы ұстап келген қаруын қалалық ішкі істер басқармасына тапсыруды ұйғарды.
Өткен жылдың қараша айының соңына таман қалалық ішкі істер басқармасының кезекші бөліміне азаматтардан пәтерлері тоналғаны жайында бірнеше шағым түскен. Басқарманың криминалдық полиция бөлімінің бөлімше бастығы, полиция капитаны Иван Терзидидің айтуынша, қылмыс оқиғалары бір-біріне ұқсас: сыртқы есіктер жабық, алайда пәтерлерден ақша, зергерлік бұйымдар, заттар ізім-қайым қолды болған.
Облыстық ішкі істер департаменті әкімшілік полициясының деректері бойынша, жыл басынан бері жол қозғалысы ережелерінің үштен бірі жүргізушілер мен жеңіл көліктердегі жолаушылардың қауіпсіздік белдіктерін тақпауынан бұзылған.
“Мен – чемпион!” балалар спорт ойынының екінші кезеңі өз мәресіне жетті. Қызықты да тартысты ойында барлық қала мектептерінің құрама командалары бағын сынады. Сынның екінші кезеңінде үш команда эстафеталық жарыстың 7 түрі бойынша бәсекелесіп, өзара мықтыларын анықтады.
Павлодарда қыздар арасында волейболдан қысқы біріншілік аяқталды. Спорттық шараға 9 құрама команда қатысты. Аталмыш сайыста 13-14 жас тобында сынға түскен жерлестеріміз 12 құрама команданың ішінде үшінші орынға табан тіреді. Ал бірінші мен екінші орындарды Қостанай мен Қарағанды облыстарының құрамалары еншілеген.
Қазақтың көрнекті жазушысы, “Көшпенділер”, трилогиясы сияқты тарихи романдарымен, сондай-ақ, басқа тақырыптардағы он туындысымен ұлттық әдебиетіміздің қазынасын байытқан қаламгер Ілияс Есенберлиннің туғанына биылғы 10 қаңтарда 100 жыл толды.
Қазақстан халқы облыстық ассамблеясы этномәдени орталықтарының жетекшілері “Өрлеу” педагог кадрлардың біліктілігін арттыру курсында жүрген Ақжар мен Уәлиханов аудандарының тарих пәні мұғалімдерімен кездесу өткізді. Оған мұрындық болған – “Қоғамдық келісім” коммуналдық мемлекеттік мекемесі.
15 қаңтарда Мемлекет басшысы Нұрсұлтан Назарбаев елдің әлеуметтік-экономикалық даму мәселелері жөнінде кеңес өткізді. Онда өңірлік және әлемдік нарықтардағы жағдайға байланысты ел экономикасы мен қаржы саласындағы ахуал қаралды.
