Жолаушылар тасымалына елеулі үлес қосып отырған “Петропавл автовокзалы” ЖШС директорының орынбасары Владимир Хохренкомен кездесіп, сапаржайдың жұмысы жайында әңгіме өрбіткен едік.
Тимирязев ауданындағы “КЭСС” ЖШС қалыптасқан дәстүр бойынша өткен жылы да “Қазақстанның үздік тауары” байқау-жәрмеңкесіне қатысып, “Үздік азық-түлік тауарлары” аталымында 1-ші орынды жеңіп алды. “Алтын сапа – 2014” байқауына да қатысып, Қазақстан Республикасы Президенті Әкімшілігінің Басшысы Нұрлан Нығматулин қол қойған Алғыс хатпен марапатталған кәсіпорынға біз іссапар кезінде арнайы ат басын бұрған едік.
Біз облыстық әмбебап-ғылыми кітапхананың (ОӘҒК) даңқты жерлесіміз Сәбит Мұқановтың есімімен аталатынын әр кез мақтаныш тұтамыз. Өткен ғасырдың 70-ші жылдары атақты жазушы сайлаушылардың аманатына орай осы ғимаратты өз бастамасымен салдыртып, ұмытылмас сый жасағаны әлі күнге дейін жылы ілтипатпен еске алынады. Егер өткенге көз жүгіртер болсақ, кітапхананың тарихы әріден бастау алады. 1880 жылы қала басқармасы жанынан бірінші …
ЕЛДІҢ ҮЗДІК КІТАПХАНАСЫ АТАҒЫНА САЙ қызмет көрсете бермекпіз Read More »
Қабырғада ілулі тұрған көне қара домбыраға көзім түссе, әкемнің биік парасатты тұлғасы көз алдыма келеді. Ел тарихында қанқұйлы ізін қалдырған сұрапыл соғыс жайында тіл қату әкеме қашан да ауыр тиетін. Сондықтан болар, әкеміз сырласын да, мұңдасын да осы домбыраның қос ішегінен іздейтін еді. Миллиондаған майдангерлер қатарында мыңдаған қазақстандықтар да соғысқа аттанса, елде қалған қарттар, әйелдер …
Григорий АСЕЕВ 1920 жылы Солтүстік Қазақстан облысының Айыртау ауданындағы Петропавловка ауылында туған. Білімі орта. 1939 жылдан – әскери-теңіз флотында. 1942 жылғы қаңтарда қан майданға кірді. Солтүстік флоты 5-ші мина-торпедо авиадивизиясы 9-шы гвардия полкінің атқыш-радисі, гвардия аға сержанты Г. Асеев 81 рет әуеге көтеріліп, 4 көлікті, 2 күзет кораблін, каботаж кемесін суға батырды. 1 ұшақты құлатты.
2014 жылғы қаңтар-желтоқсанда бөлшек сауда көлемі – 15,1%-ға, негізгі капиталға салынған инвестиция – 8,7%-ға, өнеркәсіп өндірісі – 3,5%-ға, құрылыс жұмыстарының көлемі 2,6%-ға ұлғайды. 2014 жылғы қаңтар-желтоқсанда негізгі капиталға салынған инвестициялар көлемі 115,1 млрд. теңгені құрады, ол 2013 жылғы қаңтар-желтоқсанға қарағанда 8,7%-ға артық.
“Қарты бар елдің қазынасы бар” дегендей, өткен заман белестерін білгің келсе, қарт-қариялардан сұраудың жөні бар. Көпті көрген олардың санасына түйгені де мол. Ақсақалдарымыздың өмірлік тәжірибесі, ақыл-кеңестері, тәлім-тағылымдары – ұрпақ үшін үлкен қажеттілік. Бір сөзбен айтсақ, қарт-қариялардың отырған жері – ырыс-береке, ақыл-кеңес.
Қызылжар ауданына қарасты Глубокое ауылына қоғамдық көлік қатынамайды. Ал көрші ауылдардан келетіндері көп жағдайда толық болады екен. Елді мекенде қысқы уақытта жолдар да дұрыс тазаланбайды. Осындай маңызды мәселелерді тұрғындар Лесное ауылдық округінің әкімі Ағыбай Жақыповтың есеп беру кездесуінде көтерді.
М.Қозыбаев атындағы СҚМУ-дің түлегі Анар Ескендірованың “Дипломмен – ауылға!” мемлекеттік бағдарламасы бойынша Тимирязев қазақ мектеп-интернатына келіп, биология пәнінен сабақ бере бастағанына да үш жыл болыпты. Өзі туған қалада қалмай, ауылдық жерді таңдағанына өкініп көрген емес.
Өткен жылы облыста жалпы сыйымдылығы 279 мың тоннаны құрайтын жеті элеватор пайдалануға берілді. Бүгінгі күні өңірдегі ауыл шаруашылығы дақылдарын сақтайтын жалпы сыйымдылық 6,5 млн. тоннаны құрайды, оның ішінде 3,7 млн. тонна астық – 59 лицензияланған астық қабылдау кәсіпорнында, 2,8 млн. тонна астық агроқұрылымдардың өздерінде сақталады.
Елбасы Нұрсұлтан Назарбаев “Нұрлы Жол – болашаққа бастар жол” атты Жолдауында тұрғын үй-коммуналдық шаруашылық пен су және жылумен қамтамасыз ету желілері инфрақұрылымдарын жаңғырту мәселелерін жалғастыруды басты мақсаттардың бірі етіп көрсетті. Қазақстандықтарды сапалы ауызсумен қамтамасыз ету халықтың денсаулығын жақсартудың аса маңызды жолы болып табылады. Осыған орай “Таза ауызсу”, кейін “Ақ бұлақ” мемлекеттік бағдарламалары жасалып, жүзеге асырыла …
“Қазпочта” акционерлік қоғамының облыстық филиалы Петропавл қаласы мен 13 ауданда орналасқан 280 бөлімше арқылы жергілікті тұрғындарға сан салалы қызмет көрсетеді. Соңғы жылдары елді мекендердегі пошта байланысы қызметі заман талабына сәйкес арнайы техникалармен және жаңа технологиялармен жарақтана бастады. Былтыр Дүниежүзілік пошта күні қарсаңында Елбасы Нұрсұлтан Назарбаевтың заманауи технологияларды дамыту жөніндегі тапсырмасына орай әзірленген Трансформациялау бағдарламасын жүзеге …
Елбасы Нұрсұлтан Назарбаев пен Украина Президенті Петр Порошенко телефон арқылы сөйлесті.
Елбасы Нұрсұлтан Назарбаев “Самұрық-Қазына” ҰӘҚ” АҚ басқармасының төрағасы Өмірзақ Шөкеевті қабылдады. Ол қордың қазіргі қызметі мен негізгі бағдарламаларды жүзеге асыру барысы, сондай-ақ, алдағы кезеңге арналған жоспарлары туралы баяндады. Мемлекет басшысы қазіргі экономикалық жағдайда қордың тиімді әрі орнықты жұмыс істеуі маңызды екенін айтты.
Мағжан Жұмабаев ауданына қарасты Қарақоға ауылдық округінің әкімі Анна Жорова Образец елді мекені тұрғындарының алдында есеп берді. 2014 жылы округтің әлеуметтік-экономикалық дамуын баяндаған басшы бұл жолғы кездесуде де тұрғындар тарапынан түскен сұрақтардың дені шешілгендігін жеткізді.
Облыстық ішкі істер департаментінің бастамасымен өңірімізде 15 қаңтардан бастап “Мас жүргізуші – қылмыскер” шұғыл-алдын алу шарасы өтуде. Бұл мақсатқа қалалық және аудандық жол-патрульдік полициясы бөлімдерінің бүкіл ішкі құрамы жұмылдырылды. Полицейлер алғашқы тәуліктің өзінде ғана жол қозғалысы ережелерінің бұзылуының 326 оқиғасын тіркеді. Мас күйде көлік жүргізген адамдар да анықталды.
Петропавлдағы Халыққа қызмет көрсету орталығынан “Алтын Арман” базарына №8 автобуспен жетпекші болған 32 жастағы әйел әп-сәтте әмиянынан айрылып қалған. Ол аялдамада автобустан түсе бере ақшасының және құжаттарының қолды болғанын аңғарып, жол-патрульдік полициясының қызметкеріне шағымданған.
Өткен жылы солтүстікқазақстандық спортшылар республикалық және халықаралық жарыстарда жалпы 519 медальға ие болды. Оның 281-і олимпиадалық спорт түрлеріне жатады. Бұл туралы облыстық дене тәрбиесі және спорт басқармасының баспасөз хатшысы Дарья Тушина хабарлады.
Ғ.Мүсірепов атындағы ауданның орталығында 2000-2003 жылдары туған жасөспірімдер арасында қазақ күресінен облыс біріншілігі өтті. Жарысқа Петропавл қаласы мен 7 ауданның балуандары қатысты.
“Қазақстан Республикасының әкімшілік-аумақтық құрылымы туралы” Қазақстан Республикасының 1993 жылғы 8 желтоқсандағы Заңының 10-бабының 4.1-тармақшасына сәйкес 2014 жылдың 24 желтоқсанында Қазақстан Республикасының Премьер-Министрі Кәрім Мәсімов біздің облысымыздың бірқатар білім ұйымдарының атауларын өзгерту туралы Қазақстан Республикасы Үкіметінің қаулысына қол қойды.
