1-7-сынып оқушыларының арасында республикалық “Зерде” зерттеу жұмыстары мен шығармашылық жобалар байқауының қорытынды кезеңінде облыс намысын қорғаған ұландардың бірі – Шал ақын ауданындағы Семиполка орта мектебінің 3-сынып оқушысы Батырхан Марат. Ол І орын иеленіп, жеңіске жетті.
Жуырда футболдан ел кубогына жеребе тарту рәсімі өтіп, жергілікті “Қызыл-Жар СК” құрама командасының қарсыласы анықталды. Белгілі болғанындай, футболдан Қазақстан Республикасының кубогында “Қызыл-Жар СК” екінші лиганың жеңімпазы, биылдан бірінші лигаға өткен қызылордалық “Байқоңыр” командасымен кездесу өткізеді. Қос құраманың ойыны 29 наурызда Қызылорда қаласында өтпек. Бұл жұпта озып шыққан құрама келесі раундта семейлік “Спартакпен” күш сынасады. …
Грек-рим күресінен өткен облыс біріншілігінде “Жеңіс” балалар мен жасөспірімдер спорт мектебінің балуандары жеңімпаз атанды. 2002-2003 жылдары туған жасөспірімдер арасында өткен сайысқа өңірімізден 9 команда, 110-нан астам спортшы қатысқан болатын. Жекелей сында 11 салмақ дәрежесінде белдескен балуандарға келер болсақ, Вадим Александров (26 кг.), Михаил Васильев (29 кг.), Даниель Растихин (32 кг.), Рахат Амангелдин (35 кг.), Максим …
Облыс орталығында 1998-1999 жылдары туған жасөспірімдер арасында қазақ күресінен облыс біріншілігі өтті. Оған 80-нен астам балуан қатысып, бақ сынасты. Жалпыкомандалық есепте ұлттық спорт түрлері мектебінің тәрбиеленушілері бірінші орынға ие болды. Ал Шал ақын және Қызылжар аудандарының құрама командалары екінші және үшінші орынға табан тіреді. Қанат АТАМАНОВ, “Солтүстік Қазақстан”.
Облыстық филармонияның әртістері Қызылжар ауданына қарасты Пеньково ауылының Мәдениет үйінде концерт берді. Ән-биден шашу шашып, таланттарын паш еткен өнерпаздардың өнерін тамашалауға келгендердің қарасы қалың болды.
Шал ақын ауданындағы Кеңес орта мектебінде Мұқағали Мақатаевтың туған күніне арналған әдеби-сазды кеш өтті.
Облыс орталығындағы Қазақстан Республикасы Ұлттық ұланының Әскери институтында Қазақ хандығының 550 жылдығына арналған мерекелік театрландырылған шара өтті.
