Облыстық дене шынықтыру және спорт басқармасының Олимпиада резервін даярлау орталығы “Қарасай” стадионында орналасқан. Аталған орталықтың директоры Сергей Перминді өз жұмыс бөлмесінде кездестірдім. Ол амандық-саулықтан кейін-ақ орталықтың жай-жапсарын жайлап баяндай бастады.
Қазақстан Республикасының екінші қысқы жастар ойындары аясында балғын спортшылар спорттың 17 түрінен сынға түсуде. Бәсекелі дода бағдарламасында жерлестеріміз бүгінге дейін қысқы президенттік көпсайыста жеңімпаз атанса, допты хоккей, биатлон және конькимен жүгіру спортында қола медальға ие болды. Он екі спорт түрінің қорытындысы бойынша біздің жерлестеріміз жалпыкомандалық есепте бесінші орында. Қанат АТАМАНОВ, “Солтүстік Қазақстан”
Солтүстікқазақстандық жеңілатлетшілер Шымкентте өткен ел біріншілігінен төрт күміс медальмен оралды. Атап айтар болсақ, сайыс бағдарламасында 1500 және 1000 метр қашықтықтарда кедергімен жүгірген Әділ Қанафин, 1500 метрде Лада Фомина және 800 метр қашықтықта жүгіруде Виктория Рыжикова екінші болды. Қанат АТАМАНОВ, “Солтүстік Қазақстан”.
Атырауда дзюдодан ел біріншілігі өз мәресіне жетті. Аталмыш додада 78 килограмм салмақ дәрежесінде белдескен жерлесіміз Назгүл Маратова жеңімпаз атанды. Ол сонымен қатар дзюдодан спорт шебері нормативін орындады. Суретті түсірген Амангелді БЕКМҰРАТОВ.
Ұлттық спортымызда жетістіктерімен мақтана аларлық нәтижеге қол жеткізіп жүрген өзге этнос өкілдері де бар. Біздің мектебімізде қызылжарлықтарды тоғызқұмалаққа баулып жүрген Денис Оберемко – солардың бірі.
Қазақстан Республикасы Үкіметінің өткен жылғы 24 желтоқсандағы қаулысына сәйкес облыс орталығындағы №20 қазақ орта мектебі белгілі мемлекет және қоғам қайраткері Жұмабек Тәшеновтің есімімен аталатын болады. Бұл жайында С.Мұқанов атындағы облыстық ғылыми-әмбебап кітапханада Астана, Көкшетау және Орал қалаларының ономастика саласының мамандары қатысқан өңірлік семинарда әңгіме өрбіді.
Петропавл қаласында алғаш рет жүзеге асқалы отырған музыкалық жобаға қатысуға ниет білдірген үміткерлерді іріктеу наурыз айының алғашқы күнінен басталды. Байқау шарты бойынша ән сайысына дуэттер қатысады. Олардың бірі кәсіби әнші болса, екіншісі – ән айтуды сүйікті ісіне балайтын әуесқой орындаушы.
Театрда «Бенефис» атты қанатты сөз жиі айтылады. Бұл – тұлғалы, орындаушылық шеберлігімен көрермендердің ілтипатына бөленген сахнагердің құрметіне арнайы әзірленген қойылым. 13 наурызда Н. Погодин атындағы облыстық орыс драма театрында осындай бенефис көрермендердің көзайымына айналды. Бұл қойылым осы сахнадағы жиырма жыл шығармашылық еңбегімен ел-жұрттың қошеметіне бөленіп жүрген Ирина Пашкинаның құрметіне арналды.
Дене мен рухтан тұратын адам баласы мұның алғашқысын күн сайын ішкен-жеген тағамымен қоректендіретіні айтпаса да анық. Ал рухымызды немен қоректендіреміз? Бұл сұрақтың жауабы баз біреулерге оп-оңай болғанымен, талай адамға қиынның қиыны. Өйткені, мазасыз рухымызды дамыған ғылым да, өрлеген экономика да, өрісі кең мәдениет те қанағаттандыра алмайды. Қаншама бай болсаң да, жегенің май болса да, бәрібір …
Уәлиханов ауданындағы кәсіпкер Мұрат Абдулов – Кішкенекөл ауылындағы мешіттің құрылысы аяқталып, пайдалануға берілгеннен бері оның іші жылы болу үшін көп көңіл бөліп келе жатқан адамдардың бірі. Қысты күндері мешітке жиналған жамағат тоңып қалмасын деп былтыр – 60 тонна, биыл 56 тонна көмір әперді. Мұрат Тоқмағанбетұлы өзі де имандылық жолын ұстанғандықтан, ислам дінін дұрыс насихаттауға көп …
Астанада алғаш рет ел имамдарының республикалық форумы өтті. Бұл бас қосуға өңірімізден де арнайы делегация барып келді. Біз делегация мүшелерінің бірі – облыс орталығындағы “Мухсин” мешітінің бас имамы Абылай Құрмашұлын әңгімеге тартқан едік.
Бірыңғай жинақтаушы зейнетақы қоры (“БЖЗҚ”) АҚ өзінің “БЖЗҚ туралы 5 сауал” атты тұрақты айдарын жүргізуде, онда сіздер өздеріңізді қызықтыратын сұрақтардың жауабын таба аласыздар.
Екінші дүниежүзілік соғыс жылдары балалық дәуреннің қызығын көре алмаған ұрпақтың буыны ерте бекіді. Батыста қан майдан жүріп жатқан кезде елдегі жағдай да өте қиын болды. Бас көтерер азаматтар соғысқа аттанса, ауылдағы кәрі-құртаң, әйелдер, бала-шаға тас-түйін болып, атпал жігіттердің орнын басты. Оңы мен солын танып үлгермеген балалардың өздері мұның бәрінің әсерін сезінетіндей халде еді. Бұл жылдары …
1925 жылы өмірге келген туған ағам Қилаж Мағазұлы қоғам қайраткері, өндірісті ұйымдастырушы, журналист болды. Ол Екінші дүниежүзілік соғысқа қатысып, Қырым түбегінде, Керчь бұғазын неміс басқыншыларынан азат етуде ерлікпен көзге түскен. Ағам «Бірінші дәрежелі Отан соғысы» орденімен, «Әскери ерлігі үшін», «Германияны жеңгені үшін» медальдарымен марапатталған. Ұлы Жеңістің 50 жылдығына арналған «Тернистый путь к Победе» кітабының бас …
Солтүстік Қазақстан облысының “Зерде” кітабындағы мына бір жазуларды көзіме жас алып, толқымай оқи алмаймын. Онда: “Пустыльников Николай Кузьмич. Сергеев ауданының Коноваловка ауылы. Октябрь АӘК-ы 17.07.1941 ж. шақырылған. Қатардағы жауынгер 1074-СП 314-ші атқыштар дивизиясы, атқыштар полкі. 23.04.1942 ж. жарадан далалық 2210 госпитальда қайтыс болды. Ленинград облысының Лодейное поле ауданында, Лодейное қаласында жерленген” деп жазылған. Фашистік басқыншылардың …
Екінші дүниежүзілік соғыс қолына қару алып, қан майданға аттанған, содан хабар-ошарсыз кеткен асыл аталары мен әкелерін, ағалары мен жан жарларын, балалары мен бауырларын әлі күнге дейін күткен, қай жерде қаза тауып, қай жерде жерленгенін білуден күдерлерін үзбеген отбасылар, әулеттер жоқ емес. Солардың бірі – Тұрғыновтар әулеті.
Иван КУРЕНКОВ 1919 жылы Нижегород облысындағы Крутой-Майдан селосында туған. Кузбастың шахтасында жұмыс істеді.
Орталықтың жұмысымен танысқан облыс әкімінің орынбасары Ерлан Әукенов электронды деректерді өңдеуге арналған мекеменің болуы заман талабы екенін атап көрсетті. Ғимарат кондиционерлеу, автоматты газды өрт сөндіру, күзет-өрт дабылы, бейнебақылау және басқару жүйесімен жабдықталған.
Қазақстан Республикасы Президентінің 2014 жылғы 6 тамыздағы №833 Жарлығымен Қазақстан Республикасының экономикалық және сыбайлас жемқорлық қылмысқа қарсы күрес жөніндегі агенттігі (қаржы полициясы) таратылды, оның экономикалық қауіпсіздікті қамтамасыз ету жөніндегі міндеттері бірмезгілде Қазақстан Республикасының Қаржы министрлігінің құзырына жатқызылды.
“Солтүстік Қазақстан тарату электр желісі компаниясы” АҚ-ы Петропавл қаласында 2015 жылы электр қуатының автоматтандырылған коммерциялық есебі жүйесін (АСКУЭ) енгізу бойынша жұмысты жалғастырады. Осыған байланысты энергетиктер электр қуатын тұтынушыларды аталмыш шараны өз мақсатына пайдаланушы тұлғалардың тарапынан алаяқтық фактілері жасалуы мүмкіндігін ескертеді.
