Өңір басшысы Ерік Сұлтанов төрағалық еткен облыстық әкімдіктің кезекті отырысында өткен жылыту маусымының қорытындысы және алдағы жылға энергетика, әлеуметтік салалар мен тұрғын үй нысандарын әзірлеу, мәдениет салалары мен мұрағаттардың үстіміздегі жылғы қызметі, облыста туризм индустриясын дамыту, елді мекендерді тұрмыстық қалдықтардан тазарту мәселелері талқыланды.
Мамлют ауданындағы іргелі шаруашылықтардың бірі – “Мәмбетов және К” коммандиттік серіктестігі. Аталмыш агроқұрылым биыл 19 мың гектар алқапқа ырыс дәнін сіңіргелі отыр.
Өңірлік индустриялық-инновациялық даму бағдарламасының екінші бесжылдығында облысымыз 39 жобаны жүзеге асырмақ. Жоспар бойынша биылғы жылдың соңына дейін 20 жобаны іске қосу мақсат болса, бүгінде оның 6-уы орындалған. Осыған орай облыс әкімі Ерік Сұлтанов Индустрияландыру картасына енгізілген екі кәсіпорында болып, өндіріс ошақтарының жұмыстарымен танысты.
Бұрнағы күні “Нұр Отан” партиясының облыстық филиалының саяси кеңесі бюросының отырысы өтті. Аталмыш саяси ұйымның облыстық филиалының төрағасы, өңір басшысы Ерік Сұлтановтың қатысуымен өткен отырыста партиялық жобалардың жүзеге асырылу барысы талқыланып, жұмысы сараланды.
