Кезінде облыс орталығында спорт алаңдарының ашылғанын, қызылжарлықтарға тамаша тарту жасалғанын жарыса жазған болатынбыз. Сондай-ақ, балғындардың спортпен алаңсыз шұғылдануына алақаны ашық жомарт жандар қол ұшын бергені жайында да сүйіншілегеніміз есте. Дегенмен, қыруар қаражат жұмсалып, жеткіншектер игілігіне берілген бұл нысандардың біразы қазір жарамсыз болып қалған.
Облыстық филармонияның кезекті концерттік маусымы жабылды. Биыл филармонияның құрылғанына елу жыл толды. Осы уақыт аралығында өнер ордасы облысымызда тұтас көрермендер ортасын қалыптастырып, өнерсүйер қауымның қошеметіне бөленді.
Солтүстік Қазақстан облысы аумағында 30-дан астам ірі мұнай өнімдерін сақтау және өткізу нысандары орналасқан. Қазіргі уақытта ауыл шаруашылығы техникаларының толыға түсуіне, жүк және жеңіл көліктер автопаркіндегі техниканың көбеюіне байланысты жанар-жағармайдың қажеттілігі арта түсті. Алайда, мұнай және мұнай өнімдерін сақтау қоймаларының басым бөлігі ондаған жылдар бұрын салынғанын ескерсек, қазіргі уақытта оларды өрт қауіпсіздігі ережелерінің талаптарын ескере …
Қылмыстардың түр-түрі көп болатыны жаңалық емес. Алайда, көпжылғы тәжірибелерге сүйенсек, такси жүргізушілеріне қастандық жасалуы, ломбардтарды тонау сияқты қылмыстар жиі қайталанатыны белгілі. Сондықтан облыстық ішкі істер департаментінде өткен басқосуға ломбардтардың және таксомотор парктерінің иелері мен басшылары шақырылып, олармен департаменттің және қалалық ішкі істер басқармасының басшылары, криминалдық және әкімшілік басқармаларының, департаменттің техникалық қызмет бөлімшесінің қызметкерлері әңгіме өткізді.
Облыстық ішкі істер департаменті жанындағы қоғамдық кеңестің кезекті отырысында лаңкестікке және діни экстремизмге қарсы күрес мәселелері талқыланды. Қаралатын мәселенің ауқымдылығына қарай, кеңейтілген отырысқа Қазақстан Республикасы Ұлттық қауіпсіздік комитеті облыстық департаментінің, дін істері жөніндегі басқарманың, төтенше жағдайлар жөніндегі департаменттің, прокуратураның, облыстық соттың, әділет басқармасының, ішкі істердің желілік бөлімшесінің, түзету жүйесі департаменті басқармасының, үкіметтік емес қоғамдық бірлестіктердің …
Қартаң адамдарға ілтипат пен ізет көрсетсең – өзіңнің де көңілің өсіп, жаның жадырайды. Марқайып қаласың. Ел ішіндегі осындай асыл жандарды жастардың қадір тұтуы ғанибет емес пе?! Біздің Новопокровка ауылымызда тұратын осындай сыйлы жан – Күлтай апамыз биыл сексен тоғыз жасқа келіп отыр. Апайдың өмір жолы қызық. Алайда, қызығынан шыжығы көп екенін онымен жақын тілдесіп, әңгімелеріне …
Талай еңбек тарландары туралы жаздым, алайда, абырой-атағы берісі облыс, әрісі республика көлеміне танылған Николай Николаевич Петров жайында жазбағаным дұрыс болмаған екен. Орда бұзар отыз жастың бел ортасында осы кісімен білек біріктіріп, бес жыл бір кеңшарда бірге қызмет еттік.
Ғабит Мүсірепов атындағы ауданда сұрапыл соғысты бастан кешкен ардагерлер мүлде азайып, Отан қорғаған ардақтыларымыз қалмауға айналды. Оны кешегі Ұлы Жеңіс мерекесінде де байқадық. Сап түзеген кеудесінде медальдары жарқыраған ақсақалдарымыздың ішінде от пен оқ кешкен нағыз майдангерлер жоқ десе болады. Көбісі тылдағы еңбектің саңлақтары, бірақ олардың өздері де шау тартып, сексеннің сеңгіріне бой бере бастаған жандар. …
“Алтын асық” бағдарламасымен қорасын қойға толтырғандардың бірі – Тайынша ауданына қарасты Теңдік ауылының тұрғыны Шоқан Әлжанов. Тал бойына әкеден өсиет, анадан қасиет дарыған жас кәсіпкер бала күнінен төрт түліктің жанында жүріп жетіледі, оларды күтіп-баптауға әуес болып өседі. Оның үстіне шаруашылықпен шыңдалып, өмір бойы нәпақасын мал шаруашылығынан айырып, адалынан ас тапқан арқасүйер әкесінің тәлім-тәрбиесі темірқазықтай дұрыс …
Әлемдік және дәстүрлі діндер көшбасшылары съезінің мақсаты – дін келіссөзін жүзеге асыратын және келісілген шешімдерді іске асырып, тұрақты әрекет ететін халықаралық, конфессияаралық институт құру. І съезд аясында қазіргі әлемдегі діндердің рөлі және адамгершілік құндылықтарының жалпы адамзаттық сипаты туралы ашық пікір алысуға қол жеткізілді. Онда өркениеттер, конфессиялар, елдер мен халықтар арасында құрылымдық келісімді нығайту мен келіссөз …
Әкем Шаяхмет Шаханұлы 1904 жылы қаңтар айында қазіргі Шал ақын ауданындағы Жаңажол ауылында дүниеге келген. Жеті жасында ағасы Сұлтанмен әке-шешесінен бірдей айрылып жетім қалды. Күнкөріс үшін бай есігінде жалданып еңбек етті. Ауыл молдасынан, одан кейін ересектер мектебінде оқып, төрт сыныптық білім алған. Кейін артель, колхоз құрылысына белсене араласып, «лениндік шақырумен» партия қатарына өтеді. Отызыншы жылы …
Менің атам – марқұм Бейсембай Сүлейменов 1942 жылдың маусым айында Андреевка ауылынан әскерге шақырылады да, тоғыз күн Ақмолада жаттығады. Одан кейін Мәскеуге қосалқы полкке жөнелтіледі. Бір жетіден кейін атам, Ыбырайым Қасенбаев деген қазақ, тағы бір орыс жігіті үшеуіне солярка толтырылған бензин таситын машинаны Мәскеуден 80 шақырым жерде орналасқан бөлімге жеткізу тапсырылады. Олар түнде жарық жақпай …
Менің әкем Олжабай Төлегенов 1943 жылы әскер қатарына алынып, Балтық бойы майданындағы 17-ші әскер құрамының 284-ші атқыштар дивизиясында соғысқан. Оған әскери қызмет өте ұнайтын. Елге 1950 жылы оралғаннан кейін ол Алматы қаласындағы жеке кавалериялық дивизионда милиционер болды. Одан КСРО Мемлекеттік қауіпсіздік министрлігінің Ташкент қаласындағы милиция мектебінде оқыды. Милиция кіші лейтенанты Олжабай Төлегенов оқуды үздік оқып, …
“Народные окна” жауапкершілігі шектеулі серіктестігі 128 солтүстікқазақстандықты жұмыспен қамтып отыр. Ондағы еңбеккерлердің еңбекақылары да аз емес. Тапсырыс ұлғайып, жұмыс қарқыны үдейтін жаз айларында табыс 100 мың теңгеден асады. Бұл – пластиктен жасалатын есік-терезелердің жылдан-жылға жаңарып жатқан технологиялық үдерісін оңай игеріп, бүгінгі тұтынушылардың талабын қанағаттандырып отырған кәсіпорын. Серіктестік әкімшілігі екінші деңгейдегі банктер арқылы бірнеше рет несие …
Абайсыз жағылған от, сөнбей қалған шоқ, лақтырылған темекі тұқылы, найзағайдың жасыны өртке себеп болып, орманға үлкен залал әкеледі. Даланы құрғақшылық жайлаған жаз айларында оттың тұтануы тіпті жеңіл. Көктем мен күз айларында ауыл шаруашылығы құрылымдарының егіс алқаптарын тазарту жұмыстары қоршаған ортаны жиі отқа орайды. Осындай олқылықтардың алдын орау үшін орманшылардың ат үстінде жүретін қауырт мезгілі басталғалы …
Мемлекеттік қызмет істері және сыбайлас жемқорлыққа қарсы іс-қимыл агенттігінің Солтүстік Қазақстан облысы бойынша департаментінде Үкіметтің кеңейтілген отырысында Елбасы бастамасымен қолға алынған бес институттық реформаны жүзеге асырудың 100 нақты қадамына орай кезекті брифинг өтті. Онда сәулет және қала құрылысы, құрылыс, мемлекеттік сәулет-құрылыс бақылау және лицензиялау басқармаларының басшылары атқарылған жұмыстар жайлы қысқаша есеп беріп, БАҚ өкілдерінің сауалдарына …
Облыстық мемлекеттік еңбек инспекциясы басқармасы биыл 198 кәсіпорынды тексеріп, Еңбек кодексінің 617 рет бұрмаланғанын анықтады.
Уәлиханов аудандық жастар бастамалары орталығының мамандары Кішкенекөлдегі аурухананың дәрігерлерімен бірлесіп “Таңдау жаса” атты акция ұйымдастырды. 26 маусым – Халықаралық есірткіге қарсы күрес күніне орай өткізілген шараның негізгі мақсаты – саламатты өмір салтын насихаттап, өрендерді өрмекшінің торындай сананы улайтын зиянды әдеттерден аулақ болуға шақыру.
Үстіміздегі жылы еліміз Қазақ хандығының 550 жылдығын атап өтеді. Бұл оқиға өз бастауын Керей мен Жәнібек Шу мен Талас өзендерінің арасындағы аймаққа орналасып, қазақтың туын көкке көтерген кезден алады. Нақ осы кезде “Қазақ!” деп ұран тасталғанда рухы көтеріліп, намысы оянған барлық қазақ тайпалары түгелімен жиналып, Қазақ хандығының іргесін қалады.
Петропавлдағы Өнер колледжі-музыкалық-эстетикалық бейіндегі дарынды балаларға мамандандырылған мектеп-интернат кешенінің 6-сынып оқушысы Лианна Хикоян “Fiestalonia Almaty” атты халықаралық байқауға алғаш рет қатысқанына қарамастан, топ жарып, лауреат атанды.
