Жуырда спортқа дарынды балаларға мамандандырылған облыстық мектеп-интернатының тәрбиеленушілері Петропавл қаласында бокстан жасөспірімдер арасында өткен облыс біріншілігінде үздік нәтиже көрсетті. Айтулы сайысқа өңіріміздің 5 ауданы мен Петропавл қаласынан 2000-2001 жылдары туған 93 спортшы қатысты.
Петропавл қаласының темір жол көлігі колледжінің мәжіліс залында өткен көшпелі сот процесінде Тайынша қаласының ата-ана міндетін орындамаған тұрғынына қатысты іс қаралды. Сот отырысына тәртіп сақшылары, прокуратура және білім бөлімінің қызметкерлері, колледж студенттері қатысты. Студент ұлының колледждегі оқуын босатқаны үшін жауапкершілікке тартылған адамның өзі сотқа келмеді. Соған қарамастан, оған облыстық кәмелетке толмағандардың істері жөніндегі мамандандырылған ауданаралық …
Күн суытып, өзен мен көлдердің маңайындағы абыр-сабыр бәсеңсігенмен, күзгі олжадан дәмелі аңшылар мен балықшылар су көздерін жағалап, дамыл таппауда. Бұл әуестік қаншалықты қызықты болса, соншалықты қауіпті екендігі даусыз. Мәселен, өзен-көлге қайықпен шықса да, құтқару құралдарын ұмытып кететіндер аз емес. Зәкірді көтеру, тор құру барысында қайық ауып кетуі мүмкін.
Облыстық ардагерлер кеңесі С.Мұқанов атындағы ғылыми-әмбебап кітапхананың мәжіліс залында осыдан 70 жыл бұрын ІІІ дәрежелі Даңқ орденіне ұсынылған қос майдангердің марапатын отбасы мүшелеріне тапсыруға арналған шара өткізді. Оған Ресей Федерациясының Қазақстандағы елшілігі бөлімінің сектор меңгерушісі Иван Чернышев, облыстық қорғаныс істері жөніндегі департамент бастығының орынбасары, подполковник Амангелді Дүйсекин, ардагерлер кеңесінің белсенділері қатысты.
Елінің еңсесін көтеріп, жерін құрмет тұтатын, халық өнегесін нәр еткен қариялар сарқылмас қазына іспеттес. Сондықтан қарттары бар ауылдың тарихы тереңіне тартады. Тек кейінгі ұрпақ жаны таза, адамгершілігі мол аға буыннан үлгі-өнеге алса, құба-құп. Қуаныштысы сол – ондай адамдарды әр ортадан кездестіреміз. Текті ұрпақтың тұяғы, өнегелі отбасының ұйытқысы, ардақты әке, ақылшы ата Бәкібай Сағындықов – сондай …
Бар саналы өмірін ел игілігіне, ауылының көркейіп, гүлденуіне жұмсайтын азаматтар баршылық. Солардың бірі – қоғамдық жұмыс десе жауапкершілігі мол жерлесіміз Нұртаза Сәкуов. Уәлиханов ауданындағы Көбенсай ауылының тумасы Нұртаза Сәкуұлы Алматы халық шаруашылығы институтында экономист мамандығы бойынша білім алған. Ол өзінің еңбек жолын 1974 жылы Қызылту жөндеу-механикалық зауытында инженерліктен бастайды. Оның еңбек кітапшасында Амангелді ауылында құрылыс …
Кабинетінде әлдебір қағаздарды қарап отырып, салиқалы да салмақты ойға берілген ұстаз есіктің қалай ашылғанын да аңғармай қалды. Қолында шақыру қағазы бар бойшаң жігіттің не мақсатпен келгенін естіп-білген соң оның жүзі қуаныштан бал-бұл жайнап сала берді. Өткен күннің белгісіндей болған жастық дәуреннің небір қызықты сәттері ойға оралды.
Жақында Петропавл және Булаев епархиясының епископы Владимирдің ұсынысымен өңіріміздегі дәстүрлі діндердің өкілдері Айыртау ауданындағы тарихи орындарды аралады. Олар “Қарасай мен Ағынтай батырлар” мемориалдық кешеніне, Айғаным қонысына, Ботай қорығына, “Ақан сері” композициясына, Шоқан Уәлиханов мұражайына барды.
«Жақсы жігіт болу қолдан келер, ал жақсы азамат болу, Абай атамыз айтқандай, «атаның баласы емес, адамның баласы» бола білгенге ғана берілетін баға. Құдайберген Қалиев – осындай азамат, асыл тұлға, кең жүректі адам. Оған Құдай берген ұлы мінез – қарапайымдылығы, бауырмалдығы, кәрі-жасқа бірдей мейірбандығы». Көрнекті ақын, мемлекет және қоғам қайраткері Кәкімбек Салықов ағамыз Қызылжар өңіріндегі шоқтығы …
Үстіміздегі жылдың қаңтар-қыркүйек айларында ауыл шаруашылығының негізгі капиталына 36 млрд. теңгеден астам инвестиция салынды. Бұл – облыс бойынша жалпы инвестиция көлемінің 33 пайызы. Саланың негізгі капиталына инвестициялар көлемі өткен жылдың сәйкес кезеңімен салыстырғанда 13,5 пайызға төмен.
Облыс әкімі Ерік Сұлтанов жұмыс сапарымен Қызылжар ауданының Бескөл ауылында болды. Сапар барысында өңір жетекшісі жаңадан ашылған дене шынықтыру-сауықтыру кешенінің қысқа әзірлігімен және “Левин” жеке кәсіпкерлігінің өндірістік цехының жұмысымен танысты. “Левин” жеке кәсіпкерлігі қабырғалық жиһаз жасайды. Аталмыш компанияның басқарушысы Елена Левинаның айтуынша, өткен жылы жұмсақ және қуыршақтарға арналған жиһаздар жасайтын цех ашылған екен.
Өткен бейсенбі күні облыстық Тәртіптік кеңестің кезекті отырысы болды. Мемлекеттік қызмет істері және сыбайлас жемқорлыққа қарсы іс-қимыл департаменті басшысының орынбасары – Тәртіптік кеңестің төрағасы Әділбек Мұқашев жүргізген мәжілісте 10 мәселе қаралды, олардың 9-ы – әртүрлі лауазым иелерінің үстерінен қозғалған тәртіптік істер.
Құрметті қызылжарлық жерлестерім! Сіздерді 20 қазанда Қазақстан Республикасының Мемлекеттік хатшысы Гүлшара Әбдіқалықова мен Солтүстік Қазақстан облысының әкімі Ерік Сұлтановтың қатысуымен Петропавл қаласында Спорт сарайының ашылуымен шын жүректен құттықтаймын!
Петропавл халықаралық әуежайына ауқымды жөндеу жұмыстарын жүргізу биылғы жылдың шілде айында басталған еді. Технологиялық талаптарға байланысты жұмыс екі кезеңге жоспарланған болатын. Алдымен ұшу-қону жолағы жөнделіп, кеше әуежай Астана – Петропавл бағытында қатынайтын алғашқы ұшақты қабылдады.
Кеше қалалық Мәдениет үйінде облыс әкімі Ерік Сұлтановтың қатысуымен Әлеуметтік қорғау жүйесі қызметкерлері күніне арналған салтанатты шара өтті. Онда өңір басшысы сала қызметкерлерін айтулы мерекемен құттықтап, таңдаулыларға облыс әкімінің Құрмет грамотасы мен Алғыс хатын табыс етті. Кәсіби мерекені атап өтуге арналған салтанатты жиында өңір басшысы Ерік Сұлтанов:
