Soltüstık Казахстан
Құрметті қызылжарлық жерлестерім!
Сіздерді 20 қазанда Қазақстан Республикасының Мемлекеттік хатшысы Гүлшара Әбдіқалықова мен Солтүстік Қазақстан облысының әкімі Ерік Сұлтановтың қатысуымен Петропавл қаласында Спорт сарайының ашылуымен шын жүректен құттықтаймын!
Сонау терең тарихтан тағылым шертетін шежіре мен аңызға толы қасиетті Қызылжар өңірі бүгінде өркендеген өлкеге айналды. Ынтымағы мен бірлігі жарасқан, татулықтың туын көтерген еңбекқор халықтың мекені – Петропавл қаласы да күннен-күнге көркейіп келеді.
Туған өңірімде жалпы аумағы 14853 шаршы метр болатын Спорт сарайының іске қосылып, солтүстікқазақстандық спортшылардың алдынан кең мүмкіндіктердің ашылуы менің де мерейімді тасытты. Осындай қамқорлыққа бөленген өрендеріміздің алдағы уақытта талай додалы жарыстарда топ жарып, егемен еліміздің көк байрағын биікте желбірететініне сенемін.
Осынау салтанатты сәтте Отан қамбасына 5 миллион тоннадан астам астық құйып, ел ризығын тасытқан диқандарымызға да ыстық сәлемімді жолдаймын.
Ізгі ниетпен,
Қазақстан Республикасы Парламенті Мәжілісі Төрағасының орынбасары, генерал-лейтенант
Абай ТАСБОЛАТОВ.