Петропавлдағы шахмат клубында тоғызқұмалақтан облыс біріншілігі өтіп, оған 63 солтүстікқазақстандық қатысты. Сайыс қорытындысы бойынша Шал ақын ауданының өкілдері жалпыкомандалық есепте бірінші орынға ие болды. Ал екінші және үшінші орындарды айыртаулықтар мен петропавлдықтар өзара бөлісті.
Шайбалы хоккейден ашық ел біріншілігін үшінші орында аяқтап, плей-оффқа жолдама алған солтүстікқазақстандық “Құлагер” сырт алаңда “Теміртау” командасын 4:1 есебімен тізе бүктірді. Енді “Құлагер” ел біріншілігінің жартылай финалында атыраулық “Бейбарыспен” күш сынасатын болады. Қос команда арасындағы ойындар наурыз айының 15-і мен 16-сы күндері өтеді.
Солтүстікқазақстандық велоспортшы Степан Астафьев “Тайвань – 2016” турының екінші кезеңінде жеңіске жетіп, басты классификацияда көш бастады. Бұл жарыста “Vino 4-Ever” велоклубының мүшесі Степан Астафьев 90 шақырымды бағындырып, “Тау шабандозы” жейдесін жеңіп алды. Сондай-ақ, тур барысында тағы бір жерлесіміз Евгений Гидич үздік ондыққа енді. Қазірде “Vino 4-Ever” құрлықтық велоклубы жалпыкомандалық есепте 20 команданың ішінде көш бастап …
Қазақтың ақиық ақыны Мұқағали Мақатаевтың 85 жылдық мерейтойына орай Тайынша агробизнес колледжінде “Мен өмірді жырлау үшін келгенмін” атты әдеби-сазды кеш ұйымдастырылды. Ақынның өмірін, шығармашылық жолын жастардың жүрегіне ұялатып, сөз өнеріне деген сүйіспеншілігін қалыптастыру мақсатында ұйымдастырылған шараға қатысқандардың қатары қалың болды. Олар ақынның өмірбаяны туралы түсірілген бейнесюжетті тамашалады.
Шал ақын ауданының орталығындағы Мәдениет үйінде “Елдің атын ер шығарады” деген тақырыпта белгілі мемлекет және қоғам қайраткері, Социалистік Еңбек Ері Есім Шайкинді еске алуға арналған конференция өтті. Жиын барысында Есім Шайқыұлының көзін көрген адамдар оның бастауымен жүзеге асқан игі істерді саралап, азаматтық һәм адами келбеті жайлы сөз сабақтады.
Мен бүгін жарты ғасырдан астам уақыт бірге отасып, тату-тәтті ғұмыр кешкен ардақты арысым, асыл азаматым, балаларымның асқар таудай әкесі Қапаш Аушақымов туралы сыр шерткім келіп, қолыма қалам алдым. Жұбайым Қапаш 1936 жылғы 12 наурызда Шал ақын ауданының Бағанаты ауылында дүниеге келген. Ананың ақ сүтін адалынан емген жұбайым көптің көзіне түспей-ақ көптеген игі істер тындыратын қарапайымдылығымен …
Облыс диқандары көктемгі егіске сақадай сай дайын отыр. Бұл туралы Қазақстан Республикасы Президенті жанындағы Орталық коммуникациялар қызметінің облыстық филиалында өткен брифингте ауыл шаруашылығы басқармасының басшысы Қайрат Омаров мәлімдеді.
Қазақстан Республикасының Президенті жанындағы Орталық коммуникациялар қызметінің өңірлік филиалында кезекті брифинг өтті. Бұл жолы бұқаралық ақпарат құралдарының өкілдері еліміздегі сайлауды бақылау жөніндегі республикалық қоғамдық комиссияның өңірлік филиалының басшысы Сергей Худяковпен кездесті.
Мемлекеттік қызмет істері министрлігінің Солтүстік Қазақстан облысы бойынша департаментінде әдеп жөніндегі кеңестің кезекті отырысы өтіп, онда төрт мәселе қаралды.
Өткен бейсенбі күні облыс әкімі Ерік Сұлтанов өңірімізге Ресей Федерациясы Қорған облысының делегациясын бастап келген губернатор Алексей Кокоринді қабылдап, бірқатар келелі мәселелерді талқылады. Жұмыс сапары барысында екі облыс арасындағы ынтымақтастық және әріптестік байланысты нығайту мақсатында меморандумдар мен келісімдерге қол қойылды.
