Алматы қаласында жалпы білім беретін мектептер оқушылары арасында қазақ тілінде өтетін “Жарқын болашақ” олимпиадасының республикалық кезеңі аяқталды. Аталмыш сайыс халықаралық “КАТЕV” қоғамдық қорының қолдауымен ұйымдастырылды. Солтүстікқазақстандық сайыскерлер жалпыкомандалық есепте үшінші орынға ие болды.
Облыс спортшылары Алматы қаласында “ITF” таэквондодан өткен VIII Азия біріншілігінен жүлделі оралды. Бәсі биік сайысқа әлемнің 18 елінен 400-ден астам спортшы қатысты.
Петропавлдық тай боксшылары Атырау қаласында өткен ел біріншілігінен оралды. Жарысқа еліміздің 12 өңірінен 120-дан астам спортшы қатысқан.
Петропавлда жастар арасында еркін және әйелдер күресінен ел біріншілігі аяқталды. Өңірімізде бұрын-соңды өтіп көрмеген дүбірлі додаға еліміздің барлық аймағынан 300-ден астам жас балуан қатысты.
Астана қаласында конькимен жүгіруден ел біріншілігі өз мәресіне жетті.
Петропавлда “Ең үздік дене шынықтыру пәні мұғалімі – 2016” байқауының облыстық кезеңі мәреге жетті. Байқау дене шынықтыру мұғалімдерінің кәсіби-шығармашылық бастамаларына қолдау көрсетіп, тәжірибелерімен бөлісу және аталмыш мамандық иелерінің мәртебесін көтеру мақсатында ұйымдастырылды. Оған кемінде үш жыл педагогикалық өтілі бар жалпы білім беретін ұйымдардың дене шынықтыру мұғалімдері қатысты.
Петропавл қалалық соты пара алды деген күдікпен ұсталған полицияның аға лейтенанты Самал Құдабаеваның үстінен қозғалған қылмыстық іске нүкте қойды. Бұрынғы тергеуші биылғы ақпан айында алаяқтық фактісі бойынша түскен арызға сәйкес сотқа дейінгі тергеу амалдарын жүргізген. Ол осы іске қатысы бар лауазымды тұлғадан 80 мың теңге көлемінде пара алған жерінде ұсталған еді.
Сәрсенбінің сәтінде солтүстікқазақстандық әнсүйер қауым облыс орталығындағы Жастар сарайында тоғысып, белгілі пианист Гүлдана Жолымбетованың “Біз қайта біргеміз” атты концертін тамашалады. Бұл Астанадағы Қазақ ұлттық өнер университетінің негізін салушы, Халықаралық джаз қауымдастығының құрметті мүшесі Гүлдана Жолымбетованың қасиетті Қызылжар өңіріне жасаған алғашқы сапары екен.
Облыстық төтенше жағдайлар жөніндегі департаменттің 7 сәуірдегі мәліметі бойынша бір тәулікте 124 үйдің ауласына су кіріп, 62 үйді алып қалған. 82 тұрғын мен 171 мал басы қауіпсіз жерге көшірілді.
Ауа райын болжаушылардың мәліметтері бойынша облыс аумағында су басу қаупі сейілер емес. Ерте келген көктем, қардың күрт еруі бірқатар елді мекендерге қиындықтар әкелді.
Биыл теріскейде күннің күрт жылынуына байланысты әдеттегі мөлшерден екі есе көп жауған қар тез еріп, қызылжарлықтарды әбігерге салуда. Айтып келмейтін апатпен күрес күшейтілсе де, облыс орталығындағы тұрғын үйлерді су басу қаупі әлі де сейілер емес. Кеше Петропавл қаласының әкімі Марат Тасмағанбетовтің қатысуымен Қазақстан Республикасы Президенті жанындағы Орталық коммуникациялар қызметінің облыстық филиалында өткен кезекті брифингте осы …
“Қазақстан Республикасы тұрғын үй құрылыс жинақ банкі” АҚ-ның облыстық филиалында 20 мыңыншы салымшыға құрмет көрсетіліп, сертификат табысталды.
Мемлекет басшысының “100 нақты қадам” Ұлт жоспарында Қазақстанның дамуының нақты бағыттары айқындалған. Соның он қадамы “Есеп беретін мемлекетті қалыптастыру” міндетіне арналды. Осы орайда халқына жақын мемлекетті құру жұмысының барысымен танысу мақсатында облыс әкімі аппаратының жетекшісі Мадияр Қожахметпен әңгімелескен едік.
Облыс әкімі Ерік Сұлтанов бұрнағы күні еріген қар суы алып қалған бірқатар елді мекендерді аралады. Қызылжар ауданының Бескөл ауылында қар суынан Гусиное көлі арнасынан асты. Соның салдарынан жақын маңайдағы аулалар мен үйлерді су басып қалған.
Облыс әкімі Ерік Сұлтанов Тайынша қаласында біздің өңірімізге өнеркәсіптік-индустриялық аймақ құру ниетімен келген қытайлық инвесторлармен кездесті. “Айцзю” компаниясы бұл жұмысты Ильичевка ауылында май зауытын салудан бастамақ.
