Петропавл қаласындағы “Береке” шағынауданына жылу жүйелерін тартумен шұғылданатын құрылысшылар жер қазу жұмыстары кезінде бірнеше адамның мәйітін кезіктіріп, тиісті орындарға хабарлаған. Бір таңғаларлығы, осындай оқыс оқиға осымен екінші мәрте қайталанып отыр. Оның алдында да осы маңнан бірнеше адамның денесі табылған болатын.
Осыдан бір ай бұрын облысымызда алғаш рет “Менің сүйікті отбасым” атты кең көлемді жоба бастау алған болатын. “Улыбка” қайырымдылық қоры, рестораторлар мен отельерлер қауымдастығы ұйымдастырған шара өз мәресіне жетті.
Ғабит Мүсірепов атындағы облыстық балалар мен жасөспірімдер кітапханасында “Жастар мәслихаты” қоғамдық бірлестігінің өкілдері “Қазақстан – тәуелсіздік кепілі” тақырыбында пікірсайыс өткізді.
Петропавл қаласындағы такси жүргізушілерінің 10 пайызында ғана жолаушы тасымалдауға арналған құжат бар. Қалғандары бұл кәсіппен заңсыз айналысуда. Бұл жайт облыстық кәсіпкерлер палатасында өткен баспасөз мәслихатында айтылды.
М. Қозыбаев атындағы Солтүстік Қазақстан мемлекеттік университетіндегі журналистер даярлайтын бөлім жеке кафедра болып қайта құрылды. Өңіріміздегі бұқаралық ақпарат құралдары үшін маман даярлайтын бірден-бір оқу орнындағы бұл жаңалықты естіп, бір марқайып қалдық.
Солтүстік Қазақстан облыстық прокуратурасында мектеп оқушылары арасында ұйымдастырылған “Менің Қазақстаным!” шығармашылық байқауына қатысқан балалар марапатталды. Байқау жеңімпаздары Қазақстан Республикасы Бас прокурорының грамоталары мен бағалы сыйлықтарына ие болды.
Бір шаңырақ астында тұрып жатқан анасы мен оның кәмелетке толған балалары әрқайсысы бір-бір қойдан союы тиіс пе, әлде барлығы үшін бір құрбан шалу жеткілікті ме? Ардақ Шәріпова, зейнеткер. Петропавл қаласы.
Жақында бір танысымның шаңырағында қонақ болдым. Бірнеше көңіл жақындарын шақырған үй иесі аянып қалмапты, дастарқанын түрлі дәмді тәттілермен толтырған екен. Әрине, әркім өз дастарқанына ие. Дегенмен, үстел үстіне адал, таза ас қою қажеттігін әлі де болса ескере бермейтініміз шындық. Шақырылған қонақтар осы мәселе жайында өзара пікір таластырды.
Құрбан айт – мұсылман қауымы үшін торқалы той, мерейлі мейрам. Мұхаммед пайғамбар (с.ғ.с.) Мәдинаның топырағын басқанында жергілікті тұрғындардың тойлайтын екі күні бар екен. Сонда пайғамбарымыз (с.ғ.с.): “Алла тағала сол екі күннің орнын сендерге олардан әлдеқайда жақсысымен алмастырды. Біреуі – Ораза айт, екіншісі – Құрбан айт”, – депті. Осы ойды толықтыра түсетін тағы бір хадисте былай …
Ғабит Мүсірепов атындағы ауданның Червонное ауылында 2009 жылдан бері жұмыс істейтін “Бәйтерек” шағын орталығы жақында қайта жаңартудан өтіп, жаңа бір топпен толықты. Осыған орай, елді мекенде салтанатты шара өтті.
Өткен ғасырдың 90-шы жылдары халқы үдере көшіп, жұрты ғана қалған Қызылағаш ауылы қайта көтерілетін сияқты. Жас кәсіпкер Нұрлан Жүкебаев Ленинград – Айсары тасжолынан жеті шақырым қашықтықта орналасқан бұрынғы ауылдың аумағында шаруа қожалығын ашып, мал өсірумен айналысуда.
Елбасы Нұрсұлтан Назарбаев: “Отбасы – біздің қоғамымыздың құндылықтарын сақтаудың аса маңызды институты” – деген болатын. Шынымен де, қасиетті Отанымыз шағын ғана шаңырақтан бастау алады. Сондықтан да еліміздегі бірлік пен берекенің тамыры тереңдей берсін десек, әр отбасының керегесі кең, босағасы берік болуы керек. Екі жыл бұрын Қазақстан халқы Ассамблеясы жанынан құрылған “Аналар кеңесі” ұйымының алдына қойған …
“ХХI ғасырдағы ұлттың дамуының маңызды өлшемі – мінсіз және тиімді ұлттық сот төрелігі жүйесі. Тәуелсіз және әділетті сот – құқықтық мемлекеттің негізі. Онсыз әлемнің бірде-бір елінде, тіпті, ең дамыған мемлекеттерде қолайлы инвестициялық ахуалдың да, азаматтардың әл-ауқатының жоғары деңгейінің де, қоғамның табысты дамуының да болуы мүмкін емес”, – деп атап көрсеткен Елбасы Нұрсұлтан Назарбаев ұлттық сот …
“Нұр Отан” партиясының облыстық филиалы “Бақытты балалық шақ” партиялық жобасы аясында “Отбасыны қолдау апталығы” акциясын ұйымдастырды. Оған аудандар мен ауылдарда тұратын өнегелі отбасылар қатысуда.
Халықты қолжетімді тұрғын үймен қамтамасыз ету – мемлекеттің басты міндеттерінің бірі болып табылады. Елімізде “Қолжетімді тұрғын үй – 2020” мемлекеттік бағдарламасы жүзеге асырылуда. Осы ретте еліміздің Ұлттық экономика министрлігі баспана мәселесін шешуге қандай бағдарламалар мен тетіктер көмек бере алатынын түсіндірді.
Үстіміздегі жылдың 1 қаңтарынан бастап елімізде жергілікті полиция қызметі құрылды. Бұл құрылымның міндеті қоғамдық және жол қауіпсіздігін қамтамасыз ету, құқық бұзушылықтың алдын алу болып табылады. Бұл туралы “Ұлт жоспары – 100 нақты қадам” бағдарламасының 30-шы қадамында айтылған болатын. Осы орайда өңірімізде жергілікті полиция қызметі құрылып, бүгінде онда бір мыңнан астам тәртіп сақшысы жұмыс істейді.
Биыл ауа райы диқандарға оң қабақ танытып тұр. Осы мүмкіндікті ұтымды пайдалана білгендер серпінге серпін қосып, қырдағы еңбекті қыздыра түсуде. Шал ақын ауданындағы “Степное – 2020” жауапкершілігі шектеулі серіктестігінің ұжымы да биылғы бітік егінді шашпай-төкпей жинап алуға бір кісідей жұмылған. Қырманға жеткізілген астықтың бір бөлігі тұқымға құйылса, сатылуы тиіс бөлігіне өңдеу жұмыстары жүргізілуде.
Бразилияның Рио-де-Жанейро қаласында өткен ХХХІ жазғы Олимпиада ойындарының қола жүлдегері Дариға Шәкімова кеше Петропавл қаласына келіп, жерлестерімен кездесті.
